Bhuban Badyakar : ‘कच्चा बदाम’नंतर नवा कारनामा, स्वतःच्याच अपघातावर भुवन बड्याकरने तयार केलं गाणं!

Bhuban Badyakar : भुवनने या गाण्याच्या माध्यमातून सांगण्याचा प्रयत्न केला आहे की, तो कसा अपघाताचा बळी ठरला. मात्र, त्याला फारशी दुखापत झाली नसल्याबद्दल त्याने देवाचे आभार मानले आहेत.

Bhuban Badyakar

Bhuban Badyakar : भुवन बड्याकरचे (Bhuban Badyakar) 'कच्चा बदाम' (Kacha Badal) हे गाणे सोशल मीडियावर चांगलेच व्हायरल झाले आहे. सेलेब्सपासून ते सर्वसामान्यांपर्यंत सगळेच त्यांच्या या गाण्यावर व्हिडीओ बनवताना दिसत आहेत. मात्र, या सगळ्यात भुवनचा अपघात झाल्याने त्याचे चाहते खूपच चिंतीत झाले होते. मीडिया रिपोर्टनुसार, कार चालवताना त्याचा अपघात झाला होता.

मात्र, आता भुवनच्या चाहत्यांसाठी एक आनंदाची बातमी आहे. आता त्याने आणखी एक नवीन गाणे बनवले आहे. मीडिया रिपोर्ट्सनुसार, त्याने हे गाणे त्याच्या अपघातावर तयार केले आहे. त्यांनी या गाण्याचे नाव ठेवले आहे- 'आमर नूतन गोरी'. याचा अर्थ- 'माझी नवीन गाडी.' भुवनने त्याच्या नवीन गाण्यात त्याची नवीन कार आणि अपघात याबद्दल सविस्तरपणे सांगितले आहे.

भिंतीला धडकली भुवनची कार!

भुवनने एका संभाषणात सांगितले की, जेव्हा तो त्याची सेकंड हँड कार चालवण्याचा प्रयत्न करत होता, तेव्हा गाडी भिंतीवर आदळली. यात त्याला दुखापत झाली होती, पण आता तो बरा आहे. यानंतर, त्याने नवीन गाडीवर गाणे बनवण्याचा विचार केला.

भुवनने या गाण्याच्या माध्यमातून सांगण्याचा प्रयत्न केला आहे की, तो कसा अपघाताचा बळी ठरला. मात्र, त्याला फारशी दुखापत झाली नसल्याबद्दल त्याने देवाचे आभार मानले आहेत. सोशल मीडियावर त्याच्या नवीन गाण्याबद्दल लोक खूप चर्चा करत आहेत.

शेंगदाणे विकून पैसे कमवायचा भुवन बड्याकर

भुवन बड्याकर हा पश्चिम बंगालचा आहे. तो सायकलवरून शेंगदाणे विकण्याचे काम करतो. ग्राहकांना आपल्याकडे आकर्षित करण्यासाठी त्याने 'कच्चा बदाम' हे गाणे तयार केले. जेव्हापासून त्याचे हे गाणे सोशल मीडियावर आले आहे, तेव्हापासून त्याच्या गाण्याने सर्वत्र धुमाकूळ घातला आहे. भुवनचे टॅलेंट पाहून त्याला एका क्लबमध्ये गाण्याची संधीही देण्यात आली.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha