Tunisha Sharma : अभिनेत्री टुनिशा शर्माने उचललं टोकाचं पाऊल, सेटवरील मेकअप रूममध्ये गळफास घेऊन संपवलं जीवन

Tunisha Sharma : मालिकेचं शूटिंग सुरू असताना सेटवरील मेकअप रूममध्ये गळफास घेऊन अभिनेत्री टुनिशाने शर्माने जीवन संपवलंय.

ali baba dastaan e kabul actress tunisha sharma

Tunisha Sharma : अभिनेत्री टुनिशा शर्माने आत्महत्या केलीय. एका मालिकेचे शूटिंग सुरू असताना सेटवरील मेकअप रूममध्ये गळफास घेऊन टुनिशाने जीवन संपवलंय.  नायगाव येथील स्टुडिओतील सेटवर ही घटना घडली आहे. सेटवर मेकअप करत असतानाची स्टोरी टुनिशाने आपल्या इन्स्टाग्रामवर शेअर केली आहे. ही स्टोरी आत्महत्येच्या काही वेळ आधी टुनिशाने शेअर केली होती.   

टुनिशा सध्या सब टीव्हीच्या दास्तान-ए-काबुल या शोमध्ये मुख्य भूमिकेत काम करत होती. याच मालिकेचं शूटिंग सुरू असताना सेटवरील मेकअप रूममध्येच तिने गळफास घेतला. घटनेनंतर तात्काळ तिला रूग्णालयात दाखल केले. परंतु, डॉक्टरांनी तिला मृत घोषित केले. टुनिशाने एवढं टोकाचं पाऊल का उचललं याबाबत अद्याप कोणतीच माहिती समोर आली नाही. पोलिस या घटनेचा तपास करत आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Tunisha Sharma (@_tunisha.sharma_)

Tunisha Sharma : कोण आहे टुनिशा शर्मा? 

20 वर्षीय टुनिशा शर्मा ही एक भारतीय टेलिव्हिजन अभिनेत्री होती. ती टीव्ही मालिका "इश्क सुभान अल्लाह" मध्ये झारा/बबली आणि "इंटरनेट वाला लव" मध्ये आध्या वर्माच्या भूमिकेसाठी प्रसिद्ध होती. 

टुनिशा शर्माचा जन्म 4 जानेवारी 2002 रोजी चंदीगडमध्ये झाला. लहानपणापासूनच तिला अभिनयाची आवड होती. अवघ्या 14 व्या वर्षी तिची भारत का वीर पुत्र - महाराणा प्रताप या मालिकेसाठी निवड झाली होती. या मालिकेत  तिने राजकुमारी चंद कंवरची भूमिका केली होती. त्याच वर्षी तिने चक्रवर्ती अशोक सम्राट या टीव्ही मालिकेत राजकुमारी अहंकाराची भूमिकाही साकारली होती. त्यानंतर तिने गब्बर पूंछवाला आणि शेर-ए-पंजाब: महाराजा रणजीत सिंग या चित्रपटात भूमिका केल्या.

27 ऑगस्ट 2018 ते 29 मार्च 2019 पर्यंत तिने कलर्स टीव्ही शो इंटरनेट वाला लव्हमध्ये अध्या वर्माची भूमिका साकारली होती. टेलिव्हिजनशिवाय टुनिशा चित्रपटांमध्येही सक्रिय होती. तिने फितूर, बार बार देखो, कहानी 2: दुर्गा रानी सिंह आणि दबंग 3 सारख्या चित्रपटांमध्ये काम केले आहे.

टुनिशाने पाच वर्षापूर्वी आलेल्या 'फितूर' चित्रपटात छोट्या कतरिनाची भूमिका साकारली होती. अवघ्या कमी वयात इंडस्ट्रीत वेगळी ओळख निर्माण केलेल्या टुनिशाने असे टोकाचे पाऊल उचलल्यामुळे इंडस्ट्रीवर शोककळा पसरली आहे.