Bihar Exit Poll : तेजस्वी यादवांसाठी अजूनही आशेचा किरण, 'या' एक्झिट पोलने दिले महागठबंधनला बिहारमध्ये बंपर बहुमत
Bihar Election Exit Poll Result 2025 : सगळे पोल विरोधात जात असतानाही एका पोलने तेजस्वी यादवांची आशा जिवंत ठेवलीय. या पोलमध्ये महागठबंधन स्पष्ट बहुमताने जिंकणार असल्याची शक्यता वर्तवण्यात आली आहे.
Bihar Assembly Election Exit Poll Result 2025 : बिहारमध्ये दुसऱ्या टप्प्याचं मतदान संपलं आणि आता सर्वांचं निकालाकडे लक्ष लागलं आहे. त्यातच आता एक्झिट पोलच्या आकडेवारीमुळे महागठबंधनच्या (Mahagathbandan Bihar) पोटात गोळा आल्याचं चित्र आहे. कारण बिहारमध्ये पुन्हा एकदा एनडीएची सत्ता येईल, महागठबंधन शंभरीही गाठू शकणार नाही असं एक्झिट पोलची आकडवारी सांगते. असं असलं तरी एका एक्झिट पोलने मात्र इतर सर्वच एक्झिट पोलच्या विरोधात शक्यता वर्तवली आहे. त्या एकाच एक्झिट पोलनुसार, बिहारमध्ये तेजस्वी यादव (Tejashwi Yadav) यांच्या महागठबंधनला 130 ते 140 जागा मिळणार असल्याची शक्यता वर्तवली आहे. त्यामुळे तो एक आशेचा किरण ठरणारा आहे.
सर्व एक्झिट पोलनी एनडीएला बहुमत दाखवलं असलं तरी Journo Mirror चा एक्झिट पोल मात्र महागठबंधनच्या बाजूने कल दाखवतो. या एक्झिट पोलच्या अंदाजानुसार, तेजस्वी यादव यांच्या महागठबंधनला 130 ते 140 जागा मिळणार आहेत. बिहारमध्ये सत्तेसाठी 122 जागांचा गरज आहे. त्यामुळे या एक्झिट पोलच्या आकडेवारीनुसार, बिहारमध्ये महागठबंधन सत्ता स्थापन करू शकते.
Bihar Election Update : बिहारमधील एक्झिट पोल काय सांगतात?
MATRIZE-IANS Exit Poll Bihar
एनडीए - 147-167
महागठबंधन - 70-90
इतर - 2-6
Chanakya Exit Poll Bihar
एनडीए - 130-138
महागठबंधन - 100-108
इतर - 3-5
Poll Diary Exit Poll Bihar
एनडीए - 184-209
महागठबंधन - 32-49
इतर - 1-5
Praja Poll Analytics Exit Poll Bihar
एनडीए - 186
महागठबंधन - 50
इतर - 7
Polstrat Exit Poll Bihar
एनडीए - 133-148
महागठबंधन - 87-102
इतर - 3-5
TIF Research Exit Poll Bihar
एनडीए - 145-163
महागठबंधन - 76-95
इतर - 0-1
JVC Exit Poll Bihar
एनडीए - 135-150
महागठबंधन - 88-103
इतर - 3-6
Poll Of Polls Exit Poll Bihar
एनडीए - 150-170
महागठबंधन - 68-80
इतर - 2-6
Poll Of Polls Exit Poll Bihar : एनडीएची पावणे दोनशे जागांकडे वाटचाल
बिहारमध्ये आतापर्यंत अनेक पोल समोर आले आहेत. सर्वच पोलच्या आकडेवारीनुसार, बिहारमध्ये सत्तेची चावी पुन्हा एकदा भाजपप्रणित एनडीएकडे जाण्याची शक्यता आहे. त्यानुसार, बिहारमध्ये एनडीए 150 ते 170 जागा जिंकण्याची शक्यता वर्तवण्यात आली आहे. तर महागठबंधनला फक्त 68 ते 80 जागा जिंकता येतील अशी शक्यता आहे. इतरांना दोन ते सहा जागा मिळतील. त्यामध्ये प्रशांत किशोर यांच्या जनसुराज्य पक्षाला दोन ते सहा जागा मिळण्याची शक्यता वर्तवण्यात आली आहे.
ही बातमी वाचा:
महत्त्वाच्या बातम्या
