JEE Advanced Result 2022 : JEE-Advance चा निकाल आज जाहीर होणार; 'असा' डाउनलोड करा निकाल, जाणून घ्या

JEE Advanced Result 2022 : JEE Advanced परीक्षेचा निकाल आज म्हणजेच 11 सप्टेंबर 2022 रोजी जाहीर होईल. या परीक्षेद्वारे 23 IIT च्या 16 हजारांहून अधिक जागांवर उमेदवारांना प्रवेश दिला जाणार आहे.

JEE Advanced Result 2022 today

JEE Advanced Result 2022 : IIT मुंबई द्वारे घेण्यात आलेल्या देशातील सर्वात प्रतिष्ठित प्रवेश परीक्षा JEE Advanced चा निकाल आज सकाळी 10 वाजता जाहीर होणार आहे. या परीक्षेद्वारे 23 IIT च्या 16 हजारांहून अधिक जागांवर उमेदवारांना प्रवेश दिला जाणार आहे. जेईई-अ‍ॅडव्हान्स निकालातील विद्यार्थ्यांच्या ऑल इंडिया रँकींगसह कॅटेगरी रँक देखील जाहीर केला जाईल. 

कट ऑफ काय आहे?

कटऑफ सामान्य श्रेणीसाठी विषयनिहाय 10 टक्के, सरासरी 35 टक्के आणि OBC आणि EWS श्रेणीतील विद्यार्थ्यांसाठी विषयानुसार 9 टक्के आणि सरासरी 31.5 टक्के आहे. तर, एससी आणि एसटी प्रवर्गातील विद्यार्थ्यांसाठी, विषयनिहाय 5 टक्के आणि सरासरी 17.5 टक्के आहे. परंतु मागील वर्षी खुल्या प्रवर्गातील सरासरी कट ऑफ 17.50, विषयनिहाय 5 टक्के, OBC आणि AWS ची सरासरी 15.75 आणि विषयानुसार 4.50 टक्के, SC आणि ST आणि PH श्रेणीची सरासरी कट ऑफ 8.75 आणि विषयानुसार 2.50 टक्के होती. JEE-Advanced Information Bulletin नुसार, विद्यार्थ्यांना गुणवत्ता यादीत समाविष्ट करण्यासाठी विषयवार आणि सरासरी दोन्ही कटऑफ आधीच घोषित करण्यात आले आहेत

गेल्या वर्षी इतके उमेदवार पात्र
JEE-Advanced परीक्षा 28 ऑगस्टला देशातील 225 परीक्षा शहरांमध्ये दोन शिफ्टमध्ये घेण्यात आली. तज्ज्ञांच्या मते, मागील वर्षांप्रमाणे यंदाही कटऑफ कमी होण्याची शक्यता आहे. या वर्षी JEE-Advanced परीक्षा एकूण 360 गुणांसाठी घेण्यात आली होती, ज्यामध्ये पेपर-1 आणि पेपर-2 दोन्ही 180-180 गुणांचे होते. गेल्या वर्षी 41 हजार 862 विद्यार्थी समुपदेशनासाठी पात्र ठरले होते. यामध्ये सर्वसाधारण प्रवर्गातील 17 हजार 57, ओबीसीचे 9 हजार 150, ईडब्ल्यूएस प्रवर्गातील 5 हजार 144, अनुसूचित जातीचे 7 हजार 747 आणि एसटीचे 2 हजार 764 विद्यार्थ्यांचा समावेश होता. IITs, NITs, TripleITs आणि GFTIs मधील प्रवेशासाठी निकाल जाहीर झाल्यानंतर दुसऱ्या दिवशी 12 सप्टेंबरपासून समुपदेशन प्रक्रिया सुरू होईल.

निकाल असा डाउनलोड करा

सर्व प्रथम, JEE Advanced च्या अधिकृत साईटला भेट द्या jeeadv.ac.in.
यानंतर, उमेदवार होम पेजवर उपलब्ध JEE Advanced 2022 Result वर क्लिक करा.
नंतर उमेदवार लॉगिन तपशील प्रविष्ट करा आणि सबमिट वर क्लिक करा.
यानंतर उमेदवाराचा निकाल स्क्रीनवर दिसेल.
आता निकाल तपासा आणि पेज डाउनलोड करा
उमेदवारांनी निकालाची हार्ड कॉपी सोबत ठेवावी.