Crime: विधवा महिलेला प्रेमाच्या जाळ्यात अडकवलं, त्यानंतर तिचीच हत्या करून झाला फरार; इगतपूरीमधून प्रियकराला अटक
Crime: विधवा महिलेची हत्या करून फरार झालेल्या प्रियकराला पोलिसांनी बेड्या ठोकल्या आहेत. ही घटना विठ्ठलवाडी चिंचपाडा परिसरात घडलीय.
Crime: विधवा महिलेची हत्या करून फरार झालेल्या प्रियकराला पोलिसांनी बेड्या ठोकल्या आहेत. ही घटना विठ्ठलवाडी चिंचपाडा परिसरात घडलीय. या घटनेनंतर संपूर्ण परिसरात एकच खळबळ माजली आहे. पैशांच्या वादातून आरोपीनं संबंधित महिलेची हत्या केल्याची माहिती समोर आलीय. याप्रकरणी पोलिसांनी पुढील चौकशीला सुरुवात केलीय.
मिळालेल्या माहितीनुसार, सुकन्या आव्हाड असं हत्या झालेल्या महिलेचं नाव होतं. सुकन्या ही आपल्या मुलांसोबत विठ्ठलवाडी चिंचपाडा परिसरात राहत होती. दरम्यान, अनिल भातसोडे नावाच्या आरोपीशी ओळख झाली. त्यानंतर दोघांत जवळीक वाढली. मग दोघांनी एकमेकांशी लग्न करण्याचं ठरवलं. परंतु, कोणतेही कामधंदा न करणारा अनिल हा सुकन्याकडून कायम पैशाची मागणी करू लागला. दरम्यान, 15 मार्चला अनिल आणि सुकन्या यांच्यात पैशावरून वाद झाला. त्यावेळी अनिलनं सुकन्याला बेदम मारहाण करीत तिचे डोके भिंतीवर आपटले. ज्यामुळं ती गंभीर जखमी झाली. या घटनेनंतर अनिल फरार झाला.
सुकन्या हीला जखमी अवस्थेत जवळच्या रुग्णालयात नेण्यात आले. परंतु, रुग्णालयात दाखल करण्यापूर्वीच सुकन्याचा मृत्यू झाला. फरार झालेला आरोपी अनिलकडे मोबाईल नसल्यानं तो विविध रेल्वे स्टेशनवर प्रवाशांना माझा फोन चोरला असं सांगून त्यांच्या फोवरून भावाला फोन करायचा. पोलीसाच्या दोन टीम विविध स्थानकावर त्याचा शोध घेत होते. अशातच अनिलनं आणखी एका प्रवाशाच्या फोनवरून त्याच्या भावाशी संपर्क साधला.अनिल हा ट्रेनमध्ये असल्याचे लाईव्ह लोकेशन मिळताच पोलिसांनी कारमधून इगतपुरी गाठून अनिलच्या मुसक्या आवळल्या.
हे देखील वाचा-
- Kalyan : मनसे शहर अध्यक्षासह भावावर चार कोटींची फसवणूक केल्याचा आरोप
- Nashik : भागिदारीतून व्यावसायिकाची पावणेसात कोटी रुपयांची फसवणूक, जाहिरातीच्या कामातून नफा मिळवून देण्याचे दाखवले आमीष
- Thane Crime : मद्यपी दुचाकीस्वाराने वीट फेकून मारल्याने वाहतूक पोलीस जखमी
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
