Pune Crime News : सोसायटीमधील पार्किंगवरून झालेला वाद विकोपाला; माजी सैनिकाचा गोळीबार, एक जण गंभीर
Pune Crime News : पुण्यातील येरवडा परिसरातील एका सोसायटीमध्ये पार्किंगवरून झालेल्या वादातून माजी सैनिकाने एकावर बंदुकीतून गोळी झाडल्याची घटना घडली.
Pune Crime News पुणे: राज्यासह देशभरात आज दिवाळीचा उत्साह बघायला मिळतो आहे. दरम्यान, पुण्यातून एक खळबळजनक बातमी समोर आली आहे. पुण्यातील येरवडा परिसरातील एका सोसायटीमध्ये पार्किंगवरून झालेल्या वादातून माजी सैनिकाने एकावर बंदुकीतून गोळी झाडल्याची घटना घडली. या घटनेत एक जण गंभीर जखमी झाला आहे. अशोक नगर परिसरात एका सोसायटीमध्ये दुचाकीच्या पार्किंग वरून सोसायटीमधील दोघांमध्ये वाद झाला. यामध्ये एका माजी सैनिकाने त्याच्याकडील बंदुकीतून गोळी झाडली. यामध्ये एक जण गंभीर जखमी झाला आहे. या प्रकरणी पोलिसांनी माजी सैनिकाला ताब्यात घेतले आहे. मात्र किरकोळ कारणावरून झालेला वाद विकोपाला गेल्याने चक्क गोळीबार झाल्याचे घटनेने परिसरात एकच खळबळ उडाली आहे.
दिवसाढवळ्या हातात बंदूक घेत तरुणांची दहशत
दरम्यान, पुण्यातून अशीच एक दुसरी घटना उजेडात आली आहे. पुण्यात दहशत माजवण्याचा प्रकार सुरू असल्याची ही घटना आहे. यात वडगाव ब्रिज ते वारजे ब्रिजपर्यंत हातात बंदूक घेऊन दहशत पसरवण्याचा एक व्हिडिओ सोशल मीडियावर व्हायरल झाला आहे. यात हातात बंदूक घेऊन आणि गाडी चालकांना धमकावत तरुण गाडी चालवत होता. हातात बंदूक घेऊन रस्त्यावर नागरिकांना घाबरवण्याचा प्रकार केला गेलाय. या संपूर्ण प्रकारामुळे लोकांमध्ये भीतीच वातावरण पसरले आहे. दरम्यान हा व्हिडिओ सोशल मीडियावर व्हायरल होताच पुणे पोलिसांकडून या प्रकरणाची दखल घेत या तरुणांचा शोध सुरू आहे.
पुण्यातील FC रोडवर चोरट्यांनी मारला डल्ला!
राज्यभरात सध्या दिवाळीचा सण मोठ्या उत्साहात साजरा केला जात आहे, यादरम्यान पुण्यात मात्र चोरट्यांनी धुमाकूळ घातल्याचा प्रकार समोर आला आहे. पुण्यातील एफसी रोड, जे.एम.रोडवरील कपडे, आईस्क्रीम आणि शूजची दुकाने चोरट्यांनी फोडल्याची घटना उघडकीस आली आहे. पुण्यातील या प्रमुख रस्त्यांवरील एकूण 5 दुकानात चोरी झाल्याची घटना समोर आली आहे.
मिळालेल्या माहितीनुसार, चोरट्यांनी 1.25 लाख रुपयांची रक्कम लंपास केली आहे. डेक्कन पोलिसांसह गुन्हे शाखेचे पथकं घटनास्थळी उपस्थितीत झाले. फोडलेल्या 5 दुकानातून एकूण 1.25 लाख रुपये लंपास केले आहेत. 2 अट्टल चोरट्यांकडून ही चोरी केल्याचा पोलिसांना संशय आहे. या प्रकरणाचा तपास डेक्कन पोलिसांसह गुन्हे शाखेच्या पथकं करत आहे. दोन अट्टल चोरट्यांकडून ही चोरी केल्याचा संशय पोलिसांना आहे.
हे ही वाचा
महत्त्वाच्या बातम्या
ट्रेंडिंग न्यूज
