विवाहितेला आत्महत्येस प्रवृत्त केल्याच्या गुन्हा; मात्र माहेरच्यांचा मागणीनंतर दुसर्‍यांदा शवविच्छेदन, नेमकं कारण काय?

Nanded : नांदेडच्या तुळशीरामनगर येथे 32 वर्षीय विवाहिता प्रियंका अन्नपुरे हीचा संशयास्पद मृत्यू झाला होता. मात्र अंगावर मारहाणीच्या खूना असल्याने आता पुन्हा इनकॅमेरा शवविच्छेदन करण्यात येणार आहेत.

Nanded Crime News

Source : ABP Majha

नांदेड: शहरातील तुळशीरामनगर येथे 32 वर्षीय विवाहिता प्रियंका अन्नपुरे हीचा संशयास्पद मृत्यू झाला होता. शनिवार 25 जानेवारी रोजी ही घटना घडली. यात सासरच्या लोकांनी हुंड्यासाठी छळ केल्याने प्रियंका हिने गळफास घेउन आत्महत्या केली, अशी तक्रार प्रियांकाच्या वडिलांनी दिली. त्यावरून भाग्यनगर पोलीसांनी प्रियांकाचा नवरा, सासू , सासरे आणि नंदन अशा चार जणांवर गुन्हा (Nanded Crime News) दाखल करून तिघांना अटक करण्यात आली होती.

मात्र नातेवाईक येण्यापूर्वीच मृत प्रियंकाचे शवविच्छेदन करण्यात आले होते. दरम्यान, मृत प्रियंकाच्या अंगावर मारहाणीच्या खूना (Crime News) आहेत, त्यामुळे पुन्हा इनकॅमेरा शवविच्छेदन करण्याची मागणी प्रियंकाच्या कुटुंबियांनी जिल्हाधिकाऱ्यांकडे केली. जिल्हाधिकाऱ्यांनी पोलीस अधिकारी आणि अधिष्ठातांशी चर्चा करून पुन्हा इनकॅमेरा शवविच्छेदन करण्याचे आदेश दिले. या प्रकरणात कुठलीही शंका असू नये यासाठी कुटुंबियांच्या मागणीनुसार दुसऱ्यांदा शवविच्छेदन करण्याचे आदेश दिल्याचे जिल्हाधिकारी म्हणाले. सध्या शासकीय रुग्णालयात दुसऱ्यांदा शवविच्छेदनाची प्रक्रिया सुरू करण्यात आली आहे. दरम्यान या शवविच्छेदनाच्या अहवालानंतर या प्रकरणाचे सत्य समोर येणार असल्याचे बोलले जात आहे.

 नेमकं प्रकरण काय?

पुढे आलेल्या माहितीनुसार, नांदेड शहरातील मालेगांव रोडवरच्या तुळशीराम नगर येथे 32 वर्षीय विवाहिता प्रियंका अन्नपुरे यांचा अलिकडे संशयास्पद मृत्यू झाला होता. दरम्यान, माहेरावरून पैसे आण अशी मागणी करत सासरची मंडळी तिचा सातत्याने छळ करत होते. तर सततच्या छळाला कटांळून प्रियंकाने टोकाचे पाऊल उचलत गळफास घेउन आत्महत्या केली, अशी तक्रार प्रियांकाच्या नातेवाईकांनी दिली. मात्र, हे प्रकरण बाहेर कुणाला माहिती पडू नये या भीतीमुळे नातेवाईक येण्यापूर्वीच मृत प्रियंकाचे शवविच्छेदन करण्यात आले होते.

मात्र  प्रियांकाच्या आई आणि भावाने याबाबत संशय व्यक्त करत याप्रकरणी भाग्यनगर पोलीस स्टेशनमध्ये तक्रार नोंदवली होती. या तक्रारीनंतर सासू, सासरे, नणंद आणि नवऱ्याविरोधात गुन्हा दाखल करण्यात आला आणि तिघांनाही अटक करण्यात आली होती. मात्र मृत प्रियंकाच्या अंगावर मारहाणीच्या खूना आहेत, त्यामुळे पुन्हा इनकॅमेरा शवविच्छेदन करण्याची मागणी प्रियंकाच्या नातेवाईकांनी जिल्हाधिकाऱ्यांकडे केली असता, आता दुसर्‍यांदा शवविच्छेदन करण्याचे आदेश नांदेडचे जिल्हाधिकारी अभिजित राऊत यांनी दिले आहे.

इतर महत्वाच्या बातम्या