![ABP Premium](https://cdn.abplive.com/imagebank/Premium-ad-Icon.png)
मोठी बातमी : माजी आमदाराला अश्लील व्हिडिओ क्लिप व्हायरल करण्याची धमकी, तब्बल एक कोटीची मागितली खंडणी
Ahmednagar Crime News : अश्लील व्हिडिओ क्लिप व्हायरल करण्याची धमकी देऊन एका माजी आमदाराला ब्लॅकमेल करून एक कोटी रुपयांची खंडणी मागितल्याचा धक्कादायक प्रकार समोर आलाय.
![मोठी बातमी : माजी आमदाराला अश्लील व्हिडिओ क्लिप व्हायरल करण्याची धमकी, तब्बल एक कोटीची मागितली खंडणी Former MLA threatened to make obscene video clip viral and demanded ransom of 1 crore Ahmednagar Maharashtra Marathi News मोठी बातमी : माजी आमदाराला अश्लील व्हिडिओ क्लिप व्हायरल करण्याची धमकी, तब्बल एक कोटीची मागितली खंडणी](https://feeds.abplive.com/onecms/images/uploaded-images/2024/06/29/286e2a24bbd6b50ac56a4b354c1947181719656668040923_original.jpg?impolicy=abp_cdn&imwidth=1200&height=675)
अहमदनगर : अश्लील व्हिडिओ क्लिप (Video Clip) व्हायरल करण्याची धमकी देऊन माजी आमदार भीमराव धोंडे यांना ब्लॅकमेल (Blackmail) करून एक कोटी रुपयांची खंडणी (Extortion) मागितल्याचा धक्कादायक प्रकार समोर आलाय. बलात्काराचा खोटा गुन्हा दाखल करण्याची धमकी देत दोन महिलांसह एका स्थानिक वृत्तवाहिनीच्या पत्रकाराने खंडणी मागितल्याबाबत अहमदनगरच्या कोतवाली पोलीस ठाण्यात गुन्हा दाखल करण्यात आल्याने अहमदनगरमध्ये (Ahmednagar Crime News) एकच खळबळ उडाली आहे.
फिर्यादी हे बीड (Beed) जिल्ह्यातील आष्टी मतदारसंघाचे माजी आमदार भीमराव धोंडे (Former MLA Bhimrao Dhonde) यांनी दिलेल्या फिर्यादीमध्ये नमूद केले आहे की, 'तुमची अश्लील व्हिडिओ क्लिप आमच्याकडे आहे. ती सोशल मिडियावर व्हायरल करायची नसेल, तर आम्हाला एक कोटी 25 हजार रुपये द्यावे लागतील, अशी खंडणीची मागणी करत दोन महिलांसह एका युट्युब पोर्टल चालवणाऱ्या तथाकथित पत्रकाराने माजी आमदाराला ब्लॅकमेल करत होते.
पैसे दिले नाही तर तुमचे राजकीय कारकीर्द उद्ध्वस्त करू
संबंधित महिलांशी तडजोड करून देण्याची ऑफर देत बीड जिल्ह्यातील माजी आमदाराला खंडणी मागण्यात आल्याने एकच खळबळ उडाली आहे. पैसे दिले नाही तर तुमचे राजकीय कारकीर्द उद्ध्वस्त करू, अशी धमकी दिल्याचे फिर्यादीत म्हटले आहे. दरम्यान, अहमदनगरमध्ये युट्युब चॅनेलचा अक्षरशः सुळसुळाट झाला असून अनधिकृत न्यूज चॅनेल्सच्या माध्यमातून ब्लॅकमेल करण्याचे प्रकार वाढले आहेत. मात्र, बदनामीच्या भीतीने कुणी तक्रार देण्यास तयार होत नाही. याचाच फायदा घेत असे युट्युब चॅनेल्स चालवणाऱ्यांचे फावत असून प्रशासनाने सुमोटो अशा युट्युब चॅनेलच्या बोगस पत्रकारांवर कठोर कारवाई करणे गरजेचे बनले आहे.
इतर महत्वाच्या बातम्या
Nashik Crime : काम करायला सांगितल्यानं वेटरचा राग अनावर, हॉटेल चालकावर कोयत्याने सपासप वार
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)