बोगस डिग्रीप्रकरणी वसई-विरार पालिकेच्या माजी मुख्य वैद्यकीय अधिकाऱ्याला बेड्या

बोगस एम.बी.बी.एस. डॉक्टर सुनील वाडकर यांच्याकडे कोणतेही वैद्यकिय प्रमाणपत्र महाराष्ट्र वैद्यकिय परिषद यांच्याकडे रजिस्ट्रेशन केलेलं नाही.

Vasai Fraud Doctor

वसई- विरार : बोगस डिग्री प्रकरणी वसई-विरार महानगरपालिकेच्या माजी मुख्य वैद्यकीय अधिकाऱ्याला बेड्या ठोकण्यात आल्या आहेत. सुनील वाडकर असं या बोगस डॉक्टरचं नाव आहे.  वाडकर यांच्याकडे कोणतेही वैदयकीय प्रमाणपत्र नाही. या महाशयाने आपण एम.बी.बी.एस. असल्याच भासवून विरार फाटा येथे एक मोठं हॉस्पीटल उभारलं होतं.  विशेष म्हणजे  सुनील वाडकर आपल्याकडील बोगस प्रमाणपत्राच्या आधारे वसई विरार शहर महानगरपालिकेत 2012 ते 14 ला या दोन वर्ष मुख्य वैद्यकिय अधिकारी पद ही भुषवलं होतं. त्यावेळी पालिकेनेही याबाबत माहिती घेतली नसल्याने आश्चर्य व्यक्त करण्यात येत आहे.

बोगस एम.बी.बी.एस. डॉक्टर सुनील वाडकर यांच्याकडे कोणतेही वैद्यकिय प्रमाणपत्र महाराष्ट्र वैद्यकिय परिषद यांच्याकडे रजिस्ट्रेशन केलेलं नाही. या महाशयाने आपण एम.बी.बी.एस. असल्याच भासवून, मुंबई अहमदाबाद राष्ट्रीय महामार्गाजवळील विरार फाटा येथे एक मोठं “हायवे” हॉस्पिटल उभारलं. या हॉस्पीटलच रजिस्ट्रेशन त्यांने केलं नाही.  हा मुन्नाभाई एम.बी.बी.एस. बेकायदेशीररित्या या हायवे हॉस्पीटलमध्ये वैद्यकिय प्रॅक्टिस करत होता आणि बिनधास्तपणे महाराष्ट्र शासन आणि रुग्णांची फसवणूक करत होता. 

अखेर सोमवारी रात्री अनैतिक मानवी वाहतूक प्रतिबंधक शाखेच्या पथकाने आणि वसई तालुका वैद्यकिय अधिकारी डॉ. योजना जाधव यांनी याच्या हॉस्पीटलला भेट दिली. यावेळी डॉक्टरकडे वैद्यकिय व्यवसायासाठी अधिकृत पदवी प्रमाणपत्र नसल्याचे आढळून आले तर हॉस्पीटलची ही परवानगी घेतली नसल्याचे आढळून आलं. मंगळवारी डॉ. सुनील वाडकर वर विरार पोलीस ठाण्यात गुन्हा दाखल करण्यात आला.  

महत्त्वाच्या बातम्या :

• Omicron Variant : देशाची चिंता वाढली! दिल्लीत ओमायक्रॉनचे दोन नवे रुग्ण, ओमायक्रॉन बाधितांची संख्या 45 वर, महाराष्ट्रात सर्वाधिक 20 रुग्ण