Stock Market : रशिया-युक्रेनमध्ये घनघोर युद्ध; शेअर बाजारात घसरण, सेन्सेक्स 1000 अंकांनी कोसळला

Stock Market Updates : आठवड्याच्या पहिल्या दिवशी शेअर बाजार घसरणीसह सुरू झाला. सेन्सेक्स 1000 अंकांनी घसरला.

Stock Market : रशिया-युक्रेनमध्ये घनघोर युद्ध; शेअर बाजारात घसरण, सेन्सेक्स 1000 अंकांनी कोसळला

Stock Market : रशिया आणि युक्रेनमध्ये सुरू असलेले युद्ध आणि वाढत्या आंतरराष्ट्रीय तणावाचा परिणाम जगभरातील शेअर बाजारांवर दिसून येत आहे. भारतीय शेअर बाजारही त्याला अपवाद ठरत नसल्याचे दिसत आहे.  आठवड्याच्या पहिल्या व्यवहाराच्या दिवशी भारतीय शेअर बाजार मोठ्या घसरणीसह उघडला आहे. सेन्सेक्स 529 अंकांनी घसरून 55329 वर,  तर निफ्टी 176 अंकांनी घसरून 16,481 अंकांवर सुरू झाला. त्यानंतरही घसरण कायम राहिली. सकाळी 9.30 वाजण्याच्या सुमारास सेन्सेक्स 1009 अंकांनी कोसळला. तर, निफ्टीत 246 अंकांनी घसरण झाली.

शेअर बाजारात मेटल सेक्टर वगळता सर्वच सेक्टरमधील शेअर्स घसरले आहेत. बँकिंग क्षेत्रातील शेअर्समध्ये जोरदार विक्री होत आहे. ऑटो, आयटी, फार्मा, कंझ्युमर ड्युरेबल्स क्षेत्रातील समभागही घसरले आहेत. मिड कॅप आणि स्मॉल कॅप शेअर्समध्येही घसरण दिसून येत आहे. 

Koo App

At 9.55 a.m., #Sensex was 1.5 per cent or 817 points down at 55,041 points, whereas #Nifty50 1.4 per cent or 233 points was down at 16,425 points.

View attached media content

- IANS (@IANS) 28 Feb 2022

मुंबई शेअर बाजाराच्या सेन्सेक्स निर्देशांकातील 30 कंपन्यांपैकी  27 शेअर्समध्ये घसरण झाली असून 3 शेअर्स वधारले आहेत. सर्वात मोठी घसरण एचडीएफसी बँकेत दिसून येत आहे. एचडीएफसी बँकेच्या शेअर्समध्ये  2.50 टक्क्यांची घसरण झाली असून 1419 रुपयांवर व्यवहार करत आहे. पॉवरग्रीडचा शेअर दर किंचित वधारला असून 199 रुपयांच्या आसपास व्यवहार करत आहे. 

दरम्यान, येत्या काही दिवसांत युद्धपरिस्थिती निवळली नाही तर जागतिक बाजारपेठेसह भारतीय शेअर बाजारावर याचे आणखी विपरित परिणाम होऊ शकतात असा अंदाज तज्ज्ञांनी वर्तविला आहे. परदेशी गुंतवणूकदारांनी भारतीय शेअर बाजारातून आपल्या शेअर्स विक्रीचा सपाटा सुरू ठेवला आहे. 

ऑक्टोबर 2021 पासून सतत माघार
ऑक्टोबर 2021 पासून विदेशी गुंतवणूकदार भारतीय बाजारातून सतत माघार घेत आहेत. मार्च 2020 पासून फेब्रुवारी 2022 मध्‍ये एफपीआयचा जावक सर्वाधिक आहे. त्यावेळी एफपीआयने भारतीय बाजारातून 1 लाख 18 हजार 203 कोटी रुपये काढले होते. डिपॉझिटरी डेटानुसार, एफपीआयने1 ते 25 फेब्रुवारी दरम्यान इक्विटीमधून 31 हजार 158 कोटी रुपये आणि कर्ज विभागातून 4 हजार 467 कोटी रुपये काढले. यादरम्यान त्यांनी हायब्रीड उपकरणांमध्ये 120 कोटींची गुंतवणूक केली आहे.