एथनिक वेअर कंपनी 'फॅब इंडिया' आयपीओसाठी कागदपत्रं देणार, आयपीओतून कंपनीला 20 हजार कोटी मूल्यांकन अपेक्षित

फॅबइंडियाची देशातील 118 शहरांमध्ये 311 स्टोअर्स आणि 14 आंतरराष्ट्रीय स्टोअर्स आहेत. कंपनी पोशाख, होम फर्निशिंग, फर्निचर, भेटवस्तू, दागिने, सेंद्रिय अन्न आणि पर्सनल केअर उत्पादने विकते.

fabindia

Fabindia IPO : एथनिक वेअर रिटेल चेन असणारी कंपनी फॅबइंडिया आठवड्यात आयपीओसाठी प्राथमिक कागदपत्रे दाखल करण्याची शक्यता आहे. सूत्रांच्या हवाल्याने ही माहिती दिली आहे. कंपनी 500 कोटींचे नवीन शेअर जारी करणार असल्याची माहिती आहे. नवीन इक्विटी शेअर्स आणि ऑफर फॉर सेल (OFS) च्या माध्यमातून आयपीओमधून 4,000 कोटी रुपये उभारण्याची फॅब इंडियाची योजना आहे. सूत्रांनी माहितीनुसार, यामध्ये 500 कोटींहून अधिक नवीन इश्यू जारी केले जातील, तर OFS अर्थात ऑफर फॉर सेलचे मूल्य 3,500 कोटी रुपये असेल.

20,000 कोटींचे मूल्यांकन अपेक्षित

फॅबइंडियाला त्यांच्या नवीन इश्यूद्वारे 20,000 कोटी रुपयांचे मूल्यांकन अपेक्षित आहे. कंपनी आपल्या ई-कॉमर्स व्यवसायाच्या वाढीसाठी, विस्तारासाठी आणि विस्तारासाठी आयपीओमधून मिळणारे उत्पन्न वापरण्याची शक्यता आहे.परंतू याची अधिकृच पुष्टी करण्यात आलेली नाही.

फॅबइंडियाला त्यांच्या ई-कॉमर्स व्यवसायातून 10-15 टक्के विक्री मिळते आणि त्यांनी तिची ऑनलाइन विक्री वाढवण्याची इच्छा व्यक्त केली आहे. याशिवाय, कोविड-19 महामारीनंतर लोकांची संख्या वाढवण्यासाठी नवीन स्टोअर्स उघडण्याची योजना आखली आहे.

फॅबइंडियामध्ये अनेक मोठ्या व्यक्तींची गुंतवणूक

आधीच्या एका वृत्तानुसार, फॅब इंडियामधील गुंतवणूकदार प्रेमजी इन्व्हेस्ट कंपनीतील काही भागभांडवल विकण्याची अपेक्षा आहे. कंपनीला लाइटहाऊस फंड (अॅक्सिस अल्टरनेटिव्ह अॅसेट मॅनेजमेंट द्वारे व्यवस्थापित केलेला फंड), कोटक सिक्युरिटीज, इन्फोसिसचे सह-संस्थापक नंदन निलेकणी आणि त्यांची पत्नी रोहिणी नीलेकणी यांच्यासह अनेक गुंतवणूकदारांचा पाठिंबा आहे.

कंपनीची किती दुकाने

फॅबइंडियाची देशातील 118 शहरांमध्ये 311 स्टोअर्स आणि 14 आंतरराष्ट्रीय स्टोअर्स आहेत. कंपनी पोशाख, होम फर्निशिंग, फर्निचर, भेटवस्तू, दागिने, सेंद्रिय अन्न आणि पर्सनल केअर उत्पादने विकते.

जॉन बिसेल यांनी 1960 मध्ये स्थापन केलेली ही कंपनी देशभरातील खेड्यांतून मोठ्या प्रमाणात उत्पादने खरेदी करते आणि जगाला हातमाग कापड आणि फर्निचर विकते. कंपनीच्या वेबसाइटनुसार, 55,000 हून अधिक उत्पादकांना शहरी बाजारपेठांशी जोडते आणि सुमारे 500 विद्यार्थ्यांसह तिची स्वतःची शाळा देखील चालवते.

महत्त्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha