ITR Status Check Online : ITR भरण्याच्या शेवटच्या दिवशी बँका असतील बंद; 'या' अडचणींचा करावा लागू शकतो सामना
ITR Status Check Online : ITR फाइल करण्याची अंतिम मुदत रविवारी, 31 जुलै रोजी येते, त्यादिवशी बँकांना सुट्टी आहे. त्यामुळे शेवटच्या दिवसापर्यंत वाट न पाहता वेळेतच आयटीआर भरा.
ITR Status Check Online : यावर्षी आयटी रिटर्न्स फाईल (Income Tax Return Filing Due Date) करण्याची शेवटची तारीख 31 जुलै आहे. यंदाच्या वर्षी आयटी रिटर्न फाईल करण्याच्या शेवटच्या दिवशी रविवार आला आहे. त्यामुळे आयटी रिटर्न्स फाईल करण्याच्या शेवटच्या दिवशी यंदा बँका बंद असणार आहेत. त्यामुळे डेडलाईनपर्यंत वाट न पाहता, त्यापूर्वीच आयटी रिटर्न भरा. दरम्यान, आयटी रिटर्न्स ऑनलाईन फाईल करायचं असतं. त्यामुळे बँका बंद असल्यामुळे तुमचं कोणतंही काम अडणार नाही.
काय उद्भवू शकते समस्या
रविवारी अनेक बँकांचं मेनटेनेंसचं (Maintenance) काम केलं जातं. त्या दिवशी अनेकदा नेटबँकिंग सेवा काही काळासाठी खंडीत केली जाते. तसेच, इंटनेटचा स्पीडही कमी असतो. त्याशिवाय शेवटचा दिवस असल्यामुळे आयकर ई-फायलिंग पोर्टलवर ट्राफिकही (Income Tax E-Filing Portal) वाढते, त्यामुळे अनेकदा साइट क्रॅश होण्याची शक्यता अधिक असते. त्यामुळे शेवटच्या दिवसांपर्यंत न थांबता लवकरात लवकर आयटी रिटर्न्स फाईल करा.
TDS Certificate
जर तुम्हाला आयकर भरायचा असेल, तर त्याला आयटीएनएस 280 सारखं चलन वापरावं लागतं. जर तुमच्याकडे ऑनलाइन बँकिंग (Online Banking) नसेल, तर तुम्हाला पेमेंटसाठी ब्रांचमध्ये जावं लागतं. तुम्हाला फॉर्म 16A म्हणजेच, TDS Certificate मिळविण्यासाठी बँकेत जावं लागेल. तुम्हाला ते ऑनलाइन मिळत नसले तरी तुम्हाला बँकेतच जावं लागू शकते. मात्र 31 जुलै रोजी रविवार असल्यानं बँका बंद असणार आहेत.
Penalty Fee 1,000 ते 5,000 रुपये
जर तुम्ही निर्धारित वेळेनंतर म्हणजेच, 31 जुलै 2022 नंतर आणि 31 डिसेंबर 2022 पूर्वी इन्कम टॅक्स (Income Tax Retrun) रिटर्न भरला, तर तुम्हाला 5,000 रुपयांचा दंड भरावा लागेल. करदात्याचे वार्षिक करपात्र उत्पन्न 5 लाख रुपयांपेक्षा कमी असल्यास, 1,000 रुपये दंड शुल्क भरावं लागेल.
नियम काय आहेत?
- जर तुमचं वार्षिक उत्पन्न पाच लाख रुपयांहून कमी आहे आणि तुम्ही 31 ऑगस्टनंतर आयटी रिटर्न भरलात, तर तुम्हाला एक हजार रुपये दंड भरावा लागेल.
- पाच लाखांपेक्षा जास्त उत्पन्न असणाऱ्यीं 31 ऑगस्टनंतर आयटी रिटर्न भरल्यास 5 हजार रुपये दंड भरावा लागेल.
- पाच लाख रुपयांहून जास्त उत्पन्न असलेल्यांनी 31 जुलै ते 31 डिसेंबर 2018 पर्यंत आपलं आयटी रिटर्न भरल्यास 5 हजार रुपये दंड भरावा लागेल.
- पाच लाखांहून अधिक उत्पन्न असलेल्यांनी 31 डिसेंबर 2018 नंतर आयटी रिटर्न भरल्यास 10 हजार रुपये दंड भरावा लागेल.
घर बसल्या अशा प्रकारे ITR फाइल करा
- सर्व प्रथम https://eportal.incometax.gov.in/ या वेबसाईटला भेट द्या.
- त्यानंतर यूजर आयडी (User ID) आणि पासवर्ड (Password) टाका.
- Continue या पर्यायावर क्लिक करा.
- फाइल आयकर रिटर्न (File IT Return) पर्यायावर क्लिक करा आणि मूल्यांकन वर्ष निवडा.
- ऑनलाइन (Online) पर्याय निवडा आणि नंतर वैयक्तिक (Personal) पर्यायावर क्लिक करा.
- यानंतर आयटीआर-1 किंवा आयटीआर-4 फॉर्म निवडा.
- पगार घेणाऱ्या व्यक्तीला ITR 4 फॉर्मची निवड करावी लागेल.
- रिटर्न फॉर्म डाऊनलोड केल्यानंतर, त्यात भरलेल्या प्रकारावर 139(1) निवडा.
- पुढे, तुमच्या समोर एक फॉर्म उघडेल ज्यामध्ये सर्व माहिती भरा.
- सर्व भरलेल्या माहितीची पडताळणी करा आणि सबमिट करा.
- फॉर्म सबमिट केल्यानंतर, त्याचा Confirmation मेसेज तुमच्या मेल आयडी आणि मोबाइल नंबरवर येईल.
महत्त्वाच्या बातम्या
