Surya Grahan 2022: वर्षातील शेवटच्या सूर्यग्रहणाचा या दिवाळी आणि गोवर्धन पूजेवर काय परिणाम होईल? जाणून घ्या

Surya Grahan 2022: सूर्यग्रहणाचा सुतक कालावधी सूर्यग्रहण सुरू होण्याच्या 12 तास आधी सुरू होतो आणि सूर्यग्रहण संपल्यानंतर संपतो.

Surya Grahan 2022

Surya Grahan 2022: यंदाचे सूर्यग्रहण 25 ऑक्टोबरला होणार आहे. त्याच वेळी, दिवाळी सण 24 ऑक्टोबर 2022 रोजी येत आहे आणि गोवर्धन पूजा 25 ऑक्टोबर रोजी येत आहे. ज्योतिषांच्या मते, सूर्यग्रहण भारतीय वेळेनुसार 25 ऑक्टोबर रोजी दुपारी 04:29 पासून सुरू होईल आणि 05:24 पर्यंत राहील.

दिवाळी 2022 आणि गोवर्धन पूजा 2022 कधी आहे?
दिवाळी दरवर्षी कार्तिक अमावस्येला साजरा केला जाते. पंचांगानुसार, कार्तिक अमावस्या तिथी 24 ऑक्टोबर 2022 रोजी संध्याकाळी 05:29 पासून सुरू होईल आणि 25 ऑक्टोबर 2022 रोजी दुसऱ्या दिवशी 04:20 पर्यंत राहील. यंदा दिवाळीचा सण 24 ऑक्टोबरला साजरा होणार आहे. दिवाळीच्या दुसऱ्या दिवशी कार्तिक शुक्ल प्रतिपदेला गोवर्धन पूजा आणि अन्नकूट उत्सव साजरा केला जातो. याला पाडवा असेही म्हणतात. पंचांगानुसार या दिवशी प्रदोष व्रतही पाळले जाते. प्रदोष व्रत पूजेची वेळ संध्याकाळी 05:50 ते रात्री 08:22 पर्यंत आहे. यावेळी भक्त प्रदोष व्रताची पूजा करू शकतात.

सूर्यग्रहण 2022 चा सुतक कालावधी

25 ऑक्टोबर रोजी होणारे या वर्षातील शेवटचे सूर्यग्रहण सुतक कालावधीसाठी वैध राहणार नाही. कारण हे सूर्यग्रहण भारतात दिसणार नाही. तसे, सूर्यग्रहणाचा सुतक कालावधी सूर्यग्रहण सुरू होण्याच्या 12 तास आधी सुरू होतो आणि सूर्यग्रहण संपल्यानंतर संपतो. त्यामुळे दिवाळीच्या रात्री 2 वाजल्यापासून सूर्यग्रहणाचा सुतक कालावधी सुरू होणार आहे.

वर्षातील शेवटचे सूर्यग्रहण कुठे दिसणार?
2022 वर्षातील दुसरे आणि शेवटचे सूर्यग्रहण युरोप, आफ्रिका खंडाचा ईशान्य भाग, आशियाचा नैऋत्य भाग आणि अटलांटिकमध्ये दिसणार आहे. हे सूर्यग्रहण भारतात दिसणार नाही.

सूर्यग्रहण 2022 चा दिवाळी आणि गोवर्धन पूजेवर काय परिणाम होणार? 
24 ऑक्टोबरला दिवाळी आहे, तर दुसऱ्या दिवशी 25 ऑक्टोबरला सूर्यग्रहण होणार आहे. अशा स्थितीत सूर्यग्रहणाचा दिवाळीच्या सणावर कोणताही परिणाम होणार नाही. दिवाळीच्या दुसऱ्या दिवशी गोवर्धन पूजा साजरी केली जाते. यावरही सूर्यग्रहणाचा कोणताही परिणाम होणार नाही कारण हे सूर्यग्रहण भारतात दिसणार नाही.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. यासाठी संबंधित तज्ज्ञाचा सल्ला घ्यावा.) 

महत्वाच्या बातम्या :