तेजस एक्स्प्रेसमधील विषबाधा प्रकरण, रेल्वेच्या दोन अधिकाऱ्यांचं निलंबन

आपल्या हायटेक सुविधांसाठी ओळखल्या जाणाऱ्या तेजस एक्स्प्रेसमधल्या 24  प्रवाशांना विषबाधा झाल्यानं एकच खळबळ  उडाल्यानंतर आता रेल्वेच्या 2 अधिकाऱ्यांना निलंबित करण्यात आलं आहे. तेजस एक्स्प्रेसमध्ये दिला जाणारा उपहार खाल्यानंतर प्रवाशांना विषबाधा झाल्याचं समोर आलं होतं. रेल्वेतल्या प्रवाशांची परिस्थिती बिघडल्यानंतर तेजस एक्स्प्रेस चिपळुणजवळ थांबवण्यात आली आणि त्यांना स्थानिक रुग्णालयात दाखल करण्यात आलं. काल दुपारी साडे तीनच्या सुमारास ही घटना  घडल्याचं समजतंय...दरम्यान काल संध्याकाळी 6 च्या सुमारास तेजस एक्स्प्रेस मुंबईच्या दिशेनं रवाना झाली.