Vishwa Chashak Majha India vs New Zealand: रोहित-गिलची धमाकेदार सुरुवात, बोल्ट-साऊदीला धुतले

Vishwa Chashak Majha ICC World Cup 2023 Semi Final : विश्वचषकाच्या साखळी सामन्यात भारताची न्यूझीलंडवर मात 

India vs New Zealand Semi Final LIVE Score: उपांत्य फेरीच्या सामन्यात नाणेफेकीचा कौल भारताच्या बाजूने पडला आहे. भारताचा कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला आहे. भारतीय संघ प्रथम फलंदाजी करत मोठी धावसंख्या उभारण्याचा प्रयत्न करेल. त्याशिवाय नाणेफेक जिंकल्यामुळे टीम इंडियाचा आत्मविश्वास नक्कीच उंचावलेला असेल. 

रोहित शर्माने अपेक्षाप्रमाणे संघात कोणताही बदल केलेला नाही. मागील सामन्यातील विजयी संघ कायम ठेवण्यात आला आहे.  न्यूझीलंडच्या संघातही कोणताही बदल करण्यात आला नाही. मागील सामन्यातील संघ कायम ठेवण्यात आला आहे. 

विश्वचषकाच्या साखळीत धर्मशालामध्ये झालेल्या सामन्यात भारतानं न्यूझीलंडला चार विकेट्सनी हरवलंय. पण म्हणून न्यूझीलंडच्या आव्हानाला कमी लेखता येणार नाही. कारण केन विल्यमसनच्या न्यूझीलंड संघात कमालीची गुणवत्ता आहे. याच न्यूझीलंडनं 2019 सालच्या विश्वचषकात भारताला हरवून अंतिम फेरीत धडक मारली होती. त्यामुळं त्या पराभवाची परतफेड करण्याची संधी रोहित शर्माच्या भारतीय संघाला आज वानखेडे स्टेडियमवर मिळणार आहे. भारतानं विश्वचषकाच्या साखळीत नऊपैकी नऊ सामने जिंकून फलंदाजी, गोलंदाजी आणि क्षेत्ररक्षण या तिन्ही आघाड्यांवर आपली ताकद दाखवून दिली आहे. न्यूझीलंडच्या खात्यात  नऊपैकी पाच सामन्यांमध्ये विजय आणि चार सामन्यांमध्ये पराभव अशी कामगिरी आहे. आणि त्याच पार्श्वभूमीवर उभय संघ वानखेडेच्या मैदानात आमनेसामने येत आहेत.
Vishwa Chashak Majha  : विश्वचषकाच्या महामुकाबल्यासाठी 'वानखेडे'