पिंपरी-चिंचवड : फोटो काढण्याच्या नादात पवना धरणात दोघे बुडाले

फोटो काढण्याच्या नादात दोघेजण बुडाल्याची घटना पुण्यातल्या पवना धरणात घडली आहे. कासारसाई बॅकवॉटरमध्ये हा प्रकार घडला असून एकाचा मृतदेह हाती लागला आहे.

आज रविवारी सकाळी पुण्यातल्या 9 मुलांचा गृप फिरण्यासाठी पवना धरणाजवळच्या कासारसाईमध्ये गेला होता. तेव्हा काही जण फोटो काढण्यासाठी धरणाच्या पाण्यात उतरले. पण त्यातल्या एकाला पाण्याचा अंदाज न आल्यानं तो पाण्यात बुडू लागला. त्याला वाचवण्यासाठी दुसऱ्याने उडी मारली, पण दुर्दैवाने तोही बुडाला. त्या पाठोपाठ आणखी दोघांनी उड्या मारल्या. पण त्या दोघांना स्थानिकांनी वाचवलं.