पालघर : मुसळधार पावसामुळे सूर्या नदीला पूर, नदीकाठच्या गावांना सतर्कतेचा इशारा

तिकडे पालघरमध्ये मुसळधार पाऊस सुरुच असून, सूर्या नदीला पूर आलाय. नदीकाठच्या गावांना प्रशासनाकडून सतर्कतेचा इशारा देण्यात आलाय. धरण क्षेत्रातही मुसळधार पाऊस सुरु असून, कवडास धरणातून पाण्याचा विसर्ग सूर्या नदीत करण्यात येत आहे. त्याचबरोबर उर्से, साये, म्हसाडसह ७ ते ८ गावांचा संपर्क तुटला आहे. तर विरारमध्ये भाताने पांडरतारा पुल पाण्याखाली गेलाय. या परिसरातील १२ गावाचा संपर्क तुटला आहे. वसईमध्येही पावासाचा जोर कायम असून, ठिकठिकाणी रस्त्यांवर पाणी साचलेलं पाहायला मिळत आहे.