Thane Metro : ठाणे शहरातील अंतर्गत मेट्रो तीन डब्यांची करा, खर्च वाचवण्यासाठी मेट्रोची सुचना

ठाणेकरांना सार्वजनिक वाहतुकीचा आणखी एक पर्याय उपलब्ध व्हावा यासाठी ठाणे महापालिकेने शहरातील अंतर्गत मेट्रोचा प्रस्ताव केंद्र सरकारकडे पाठवला होता. मात्र ही मेट्रो केवळ तीनच डब्यांची असावी, अशी सूचना केंद्र सरकारनं केली आहे. सहा डब्यांची मेट्रो केल्यास प्रकल्पाचा खर्च वाढेल, तसंस तीन डब्यांची मेट्रो दर दोन मिनिटांनी चालवता येईल असं केंद्र सरकारचं म्हणणं आहे. मात्र ही सूचना ठाणे महापालिकेच्या पचनी पडलेली नाही. यासंबंधी महामेट्रो आणि महापालिका प्रशासनाने केंद्र सरकारला पत्र पाठविले असून त्यामध्ये सहा डब्यांचा मेट्रो प्रकल्प मंजूर करावा, असा आग्रह धरला आहे.