Pune : दिवाळीच्या मुहुर्तावर पुणेकरांना दिलासा; तुळशीबागेत खरेदीला जाणाऱ्यांना मोफत पार्किंग मिळणार

दिवाळीच्या शॉपिंगसाठी तुळशीबागेत जायचा विचार असेल तर ही बातमी तुमच्यासाठीच आहे. कारण तुळशीबागेत खरेदी केलीत तर तुमच्या वाहन पार्किंगचे पैसे तुम्ही नाही तर व्यापारी मोजणार आहेत. तुळशीबागेतील व्यापाऱ्यांनी ग्राहकांसाठी महालक्ष्मी मेट्रो सोसायटीत वाहन पार्किंग उपलब्ध करुन दिलंय. त्यामुळे आता तुळशीबागेत खरेदीसाठी येणाऱ्या पुणेकरांच्या पार्किंगचा प्रश्न सुटलाय. 215 वाहन पार्किंग क्षमता असणारं महालक्ष्मी मेट्रो सोसायटीचं पार्किंग पुणेकरांसाठी उपलब्ध करुन देण्यात आलं.