दोघांचं भांडण, तिसऱ्याचा लाभ; नाशिक महापालिकेच्या स्थायी समितीचं हंगामी अध्यक्षपद मनसेकडे | ABP Majha

दोघांचं भांडण तिसऱ्याचा लाभ अशी म्हण प्रचलित आहे, पण या म्हणीनुसारच नाशकात मनसेला मोठा लाभ झालाय. कारण स्थायी समितीवरून शिवसेना-भाजपमध्ये झालेल्या वादात समितीचं हंगामी अध्यक्षपद मनसेच्या अशोक मुर्तडक यांना देण्यात आलंय.
मध्यंतरी झालेल्या पोटनिवडणुकीत शिवसेना आणि भाजपच्या सदस्य संख्येत बदल झाला, त्यानुसार स्यायी समितीच्या सदस्यांमध्ये शिवसेनेचे ३ आणि भाजपच्या ३ सदस्यांची नियुक्ती होणं अपेक्षित होतं, मात्र तसं न होता भाजपचे ४ सदस्य निवडले गेल्यानं शिवसेनेनं नगरविकास खात्याकडे तक्रार करत निवडणुकीवर स्थगिती आणली.
दरम्यान हंगामी अध्यक्षपदी मनसेच्या मूर्तडक यांना नेमणुकीवरून मावळते सभापती उद्धव निमसेंनी भाजपवर टीकास्त्र सोडलंय.