Ananya Pandey Absent : अभिनेत्री अनन्या पांडे आज NCB चौकशीला अनुपस्थित, एनसीबी सूत्रांकडून माहिती

अभिनेत्री अनन्या पांडे एनसीबी चौकशीसाठी आज हजर राहणार नाही. वैयक्तिक कारणांमुळे अनन्या चौकशीला उपस्थित राहणार नाही अशी माहिती एनसीबी सूत्रांनी दिली आहे. अनन्याला आज सकाळी 11 वाजता एनसीबीसमोर हजर राहण्याचे निर्देश देण्यात आले होते. मात्र एक वाजल्यानंतरही अनन्या चौकशीसाठी हजर झाली नव्हती. त्यामुळे वानखेडे यांनी गेल्यावेळी खडसावल्याचा अनन्यावर काहीच परिणाम झाला नाही अशा चर्चा सुरु झाल्या. मात्र आता अनन्या आज चौकशीला येणार नसल्याची माहिती मिळतेय. शुक्रवारी तिची साडेतीन तास चौकशी करण्यात आली होती. क्रूझ ड्रग्ज प्रकरणी आर्यन खानसोबत झालेल्या चॅटच्या आधारावर अनन्याला चौकशीसाठी बोलावण्यात आलं होतं. गांजाच्या देवाणघेवाणीबाबत आर्यन आणि अनन्यामध्ये चॅट झाल्याचा आरोप होतोय.  पहिल्या दिवशी चौकशीदरम्यान अनन्याने हे सर्व आरोप फेटाळले होते.