Top 25 News : टॉप 25 बातम्यांचा वेगवान आढावा : 06 PM : 29 January 2025 : ABP Majha

मनोज जरांगेंच्या उपोषणाचा आज पाचवा दिवस, मराठ्यांना आरक्षण देणार की नाही हे मुख्यमंत्र्यांनी सांगावं, आमच्यासोबत बेईमानी केली तर पाच वर्ष सत्ता नीट चालू देणार नाही, जरांगेंचा सरकारला इशारा. 

अवैध वाळू तस्करांची पोलीस आणि महसूल कर्मचाऱ्यांवर दगडफेक, हल्ल्यात कोतवाल, तलाठयासह एक पोलीस नाईक जखमी, श्रीरामपूरच्या गोंडेगावातील घटना, दगडफेकीत पोलीस वाहनाचंही  नुकसान.

सिडकोकडून लॉटरी काढलेल्या घरांच्या किमती आवाक्याबाहेर असल्यानं लोकांचा अल्पप्रतिसाद, २६ हजार घरांसाठी आले फक्त १५ हजार अर्ज.

३१ जानेवारीला पुण्यात खेळवल्या जाणाऱ्या भारतविरुद्ध इंग्लंड टी-२० सामन्यावर जीबीएसचं सावट, परदेशातूनही हजारो प्रेक्षक येणार असल्यानं योग्य ती खबरदारी घेण्याच्या राज्य सरकारच्या सूचना. 

जळगावच्या जामनेरमधील सोनबर्डी परिसरात स्विमिंगपूलमध्ये १५ वर्षांच्या मुलाचा बुडून मृत्यू. संकेत पाटील असं मृत मुलाचं नाव

गेल्या काही दिवसात यवतमाळ जिल्ह्यातील वणी आणि पांढरकवडा मध्ये अनेक ट्रक भरून गाईचे विविध अवयवांचे अवशेष सापडले. जवळपास १२५ गाईंची हत्या झाल्याचा संशय.

मौनी अमावस्येनिमित्त अभिनेत्री, खासदार हेमा मालिनी यांनी संगमात केले स्नान. यावेळी त्यांच्यासोबत योग गुरू बाबा रामदेव आणि जुना आखाड्याचे आचार्य महामंडलेश्वर स्वामी अवधेशानंद गिरी महाराज उपस्थित होते.

अमेरिकेचे प्रगत लढाऊ विमान F35 अलास्कामध्ये कोसळले. विमानाच्या पायलटने पॅराशूटच्या मदतीने स्वतःचे प्राण वाचवले. अलास्का येथील आयलसन हवाई दल तळावर प्रशिक्षणादरम्यान झाला अपघात.

श्रीहरीकोटाच्या सतीश धवन अंतराळ केंद्रातून  GSLV-F15 रॉकेटचे NVS  उपग्रहासोबत यशस्वी प्रक्षेपण, सतीश धवन अंतराळ केंद्रातून या मोहिमेचे  हे 100 वे प्रक्षेपण.