Top 100 : टॉप 100 : बातम्यांचा वेगवान सुपरफास्ट आढावा : 10 AM :16 नोव्हेंबर 2024 : ABP Majha

 Top 100 : टॉप 100 : बातम्यांचा वेगवान  सुपरफास्ट आढावा : 10 AM :16  नोव्हेंबर  2024 : ABP Majha 

 

विधानसभा निवडणुकीच्या अनुषंगाने राज्यभरात सर्वत्र प्रचार, सभा, दौरे होत असल्याचं चित्र आहे. निवडणुकीसाठी उभा असलेला उमेदवार आणि त्यांच्या पक्षासह संपूर्ण कुटंब देखील प्रचारात उतरल्याचं दिसून येत आहे. अशातच बारामती मतदारसंघात अजित पवार विरूध्द पुतण्या युगेंद्र पवार (Yugendra Pawar Baramati) अशी लढत होणार आहे. या निवडणुकीच्या अनुषंगाने पवारांचं अख्ख कुटूंब युगेंद्र पवारांचा प्रचार करताना दिसत आहे. शरद पवार (Sharad Pawar), सुप्रिया सुळे, युगेंद्र पवार त्यांचे आई वडिल यांच्यासह पहिल्यांदाच प्रचारामध्ये शरद पवार यांच्या पत्नी प्रतिभा पवार या देखील मैदानात उतरल्या आहेत. त्या बारामती मतदारसंघात ठिकठिकाणी जात आहेत, लोकांना भेटत आहेत. युगेंद्र पवारांचा प्रचार करत आहेत, यावर अजित पवारांनी (Ajit Pawar) आज बारामतीच्या दौऱ्यावर असताना भाष्य केलं आहे. 

निवडणूक प्रचारासाठी अजित पवार गावभेट दौरा करत असताना अजित पवार यांनी त्यांच्या काकी प्रतिभा पवार यांचं नाव घेत काय नातवाचा पुळका आलाय कळेना, असं म्हणत अजित पवारांनी प्रतिभा पवार प्रचारावरून टीका केली आहे. 'मी समोरच्यावर टीका करायला गेलो, तर तो माझा पुतण्या आहेत. मला तो मुलासारखा आहे. पुन्हा आम्हीच आमच्या घरातल्यांवर एकमेकांवर टीका करतोय असं होईल. ते मला करायचं नाहीये. मी पुन्हा सांगतो की भावनिक होऊ नका, असं आवाहन त्यांनी मतदारांना यावेळी केलं आहे.