India Wins Womens World Cup 2025 : भारतीय महिला संघ जिंकला वन डे विश्वचषक, ऐतिहासिक विजय

भारतीय महिला क्रिकेट संघाने दक्षिण आफ्रिकेचा पराभव करत पहिल्यांदाच महिला वनडे विश्वचषक जिंकून इतिहास रचला आहे. नवी मुंबईच्या डी वाय पाटील स्टेडियमवर झालेल्या या अंतिम सामन्यात कर्णधार हरमनप्रीत कौरच्या नेतृत्वाखाली संघाने ऐतिहासिक विजय मिळवला. क्रिकेट समीक्षक सुनंदन लेले यांच्या मते, 'ही दिवाळीनंतरची दिवाळी आहे!' या सामन्यात भारताने २९९ धावांचे आव्हान ठेवले होते, ज्याला प्रत्युत्तर देताना दक्षिण आफ्रिकेची कर्णधार लॉरा वुल्वर्टची शतकी खेळी व्यर्थ ठरली. भारताकडून दीप्ती शर्माने अष्टपैलू कामगिरी करत अर्धशतक आणि पाच बळी घेतले, तर शफाली वर्मा आणि स्मृती मानधना यांनी शतकी सलामी दिली.