Shivajirao Adhalrao Patil : आढळराव पाटलांचा उद्या अजित पवारांच्या राष्ट्रावादीत प्रवेश - सूत्र

Shivajirao Adhalrao Patil : आढळराव पाटलांचा उद्या अजित पवारांच्या राष्ट्रावादीत प्रवेश - सूत्र मूळचे शिवसेनेचे माजी खासदार आणि सध्या शिंदेंच्या शिवसेनेचे नेते असलेले शिवाजीराव आढळराव पाटील हे आगामी लोकसभा निवडणुकीसाठी आपल्या हातात अजित पवाराच्या राष्ट्रवादी काँग्रेसचं घड्याळ बांधणार आहेत. शिवाजीराव आढळराव पाटील हे उद्या अजित पवारांच्या राष्ट्रवादी काँग्रेसमध्ये प्रवेश करणार असल्याची माहिती सूत्रांनी दिली आहे.
उपमुख्यमंत्री अजित पवार यांच्या बंगल्यावर उद्या सकाळी दहा वाजता हा पक्षप्रवेश होणार असल्याची माहिती आहे. महायुतीच्या जागावाटपात शिरूर मतदारसंघ अजित पवाराच्या राष्ट्रवादी काँग्रेसच्या वाट्याला आला आहे. त्यामुळं शिंदेंच्या शिवसेनेत असूनही लोकसभा निवडणूक लढवण्यासाठी आढळराव पाटील हे राष्ट्रवादीत दाखल होत आहेत. त्यांच्या पक्षप्रवेशाच्या सोहळ्यासाठी शिरूर लोकसभा मतदारसंघातील मंत्री दिलीप वळसे पाटील, राष्ट्रवादीचे आजी-माजी आमदार आणि प्रमुख पदाधिकाऱ्यांना अजितदादांनी मुंबईत बोलावून घेतलं आहे. त्यामुळं शिरूरमध्ये आता शरद पवारांच्या राष्ट्रवादीचे खासदार अमोल कोल्हे आणि अजित पवारांच्या राष्ट्रवादीचे आढळराव पाटील अशी निवडणूक होण्याची शक्यता आहे.