Ramdas Kadam on MVA Seat Sharing : काहीच तासात मविआ तुटणार! रामदास कदमांचा मोठा दावा

विधानसभा निवडणुकीत ठाकरेंसह शरद पवार आणि काँग्रेस नेस्तनाबुत होईल, रामदास कदमांचा हल्लाबोल, महायुतीचं सरकार आणण्यासाठी रात्रंदिवस काम करु 

Ramdas Kadam : महायुतीच्या सर्व नेत्यांवर माझा पूर्ण विश्वास आहे. जागा वाटपाचा जो निर्णय होईल तो निर्णय माझ्यासहीत सर्वांना मान्य असेल. कोणाचीही नाराजी नसेल, असं वक्तव्य शिवसेना शिंदे गटाचे नेते आणि माजी मंत्री रामदास कदम (Ramdas Kadam) यांनी केलं आहे. जागा वाटपाच्या संदर्भात सुरु असलेल्या चर्चेवर रामदास कदम यांनी प्रतिक्रिया दिली. राज्यात महायुतीचे सरकार आणण्यासाठी आम्ही सगळे रात्रंदिवस मिळून काम करु असेही ते म्हणाले. निकाल लागेल तेव्हा उध्दव ठाकरेंसहीत शरद पवार आणि काँग्रेस नेस्तनाबुत होईल असेही कदम यावेळी म्हणाले. 

दापोली मधील मुस्लिम समाज माझ्यासोबत 

दापोलीमधील भाजप शिवसेना वादावर रामदास कदम यांनी प्रतिक्रिया दिली आहे. दापोलीमधील भाजपच्या काही कार्यकर्त्यांना भाजपच्या नेत्यांनी बोलावून समज द्यावी असे कदम म्हणाले. जागा वाटप जाहीर करायला उशीर झालेला नाही. निकाल लागेल तेव्हा उध्दव ठाकरेंसहित शरद पवार आणि काँग्रेस नेस्तनाबुत होईल असेही रामदास कदम म्हणाले. दापोली मधील मुस्लिम समाज माझ्यासोबत असल्याने समोरच्या उमेदवाराचे डीपॉजीट जप्त होईल असेही रामदास कदम म्हणाले.