Vitthal Darshan | Pandharpur मध्ये भाविकांची अलोट गर्दी, 8 तास प्रतीक्षा!

पंढरपूरमध्ये सलग सुट्ट्यांमुळे गेल्या तीन दिवसांपासून भाविकांनी मोठी गर्दी केली आहे. विठुरायाच्या दर्शनासाठी भाविकांची रांग थेट गोपाळपूरपर्यंत पोहोचली आहे. हजारो भाविक दर्शनासाठी रांगेत उभे आहेत. सलग तिसऱ्या दिवशीही ही गर्दी कमी व्हायला तयार नाही. भाविकांना विठ्ठलाच्या पायापर्यंत पोहोचण्यासाठी सात ते आठ तास, तर काहीवेळा आठ ते दहा तास लागत आहेत. मंदिरापासून जवळपास चार ते पाच किलोमीटरपर्यंत ही रांग फिरत आहे. राज्यभरातून, नांदेड, मराठवाडा आणि मुंबईसारख्या ठिकाणांहून हजारो भाविक पंढरपूरमध्ये दाखल झाले आहेत. मिळालेल्या सुट्ट्यांचा उपयोग विठ्ठल दर्शनासाठी करण्याची त्यांची भावना आहे. दर्शनाची व्यवस्था चांगली असली तरी गर्दीमुळे प्रतीक्षा वेळ वाढला आहे. "सलग तिसरा दिवस आहे पंढरपूर ओव्हरपॅक आहे," असे यात नमूद केले आहे.