Kalyan Crime: घरगुती वादातून भाच्याने मामाला संपवलं, हॉस्पिटलच्या पायऱ्यांवर डोकं आपटून हत्या

कल्याणमधील मोहने परिसरात एक धक्कादायक घटना घडली आहे, जिथे घरगुती वादातून भाचा गणेश रमेश पुजारी याने त्याचा मामा माडियप्पा राजू नायर याची हत्या केली. भाच्याने रुग्णालयाच्या पायऱ्यांवर मामाचे डोके अनेक वेळा आपटून त्याची हत्या केली. ही संपूर्ण घटना रुग्णालयाच्या सीसीटीव्ही कॅमेऱ्यात कैद झाली आहे. मूळचे मुंबईच्या गोरेगावचे रहिवासी असलेले मामा आणि भाचा भाजीपाला पोहोचवण्यासाठी मोहने येथे आले होते, तेव्हा त्यांच्यात वाद झाला. या वादाचे पर्यवसान हत्येमध्ये झाले. घटनेची माहिती मिळताच खडकपाडा पोलिसांनी तातडीने कारवाई करत कल्याण रेल्वे स्थानकावरून पळून जाण्याच्या तयारीत असलेल्या आरोपी गणेश पुजारीला अवघ्या एका तासात अटक केली.