NCP Dance Row: 'या पक्षानेच बारा वाजवून टाकलेले आहेत'; Awhad यांची अजित पवार गटावर जोरदार टीका

नागपूरमधील अजित पवार (Ajit Pawar) गटाच्या राष्ट्रवादी काँग्रेस (NCP) कार्यालयात दिवाळी मिलन कार्यक्रमात झालेल्या लावणी नृत्यामुळे मोठा वाद निर्माण झाला आहे. यावर शरद पवार (Sharad Pawar) गटाचे नेते जितेंद्र आव्हाड (Jitendra Awhad) आणि सुप्रिया सुळे (Supriya Sule) यांनी तीव्र टीका केली आहे. 'ज्या पक्षाला पवार साहेबांनी हाताखांद्यावर वाढवलं, तो चोरून नेला आणि त्या चोरलेल्या पक्षाच्या कार्यालयात 'वाजले की बारा' हे गाणं लावत आहेत, या पक्षानेच बारा वाजवून टाकलेले आहेत,' असा घणाघात जितेंद्र आव्हाड यांनी केला आहे. हा व्हिडिओ अत्यंत अस्वस्थ करणारा असून महाराष्ट्रात शेतकरी, महागाई आणि बेरोजगारीमुळे जनता त्रस्त असताना असे प्रकार घडणे वेदनादायी असल्याची प्रतिक्रिया सुप्रिया सुळे यांनी दिली. दुसरीकडे, हा पक्षाचा अंतर्गत कार्यक्रम होता आणि लावणी सादर करणारी महिला पक्षाचीच पदाधिकारी आहे, असे सांगत अजित पवार गटाने यावर स्पष्टीकरण दिले आहे. या प्रकरणाची दखल घेत कार्याध्यक्ष प्रफुल पटेल यांनी कारवाईचे संकेत दिले आहेत.