Marathi Language Row | ठाकरे एकजुटीच्या चर्चांना बळ, 'बाराखडी'वरून दिल्लीला आव्हान!

आजच्या मेळाव्याच्या स्टेजवर छत्रपती शिवाजी महाराज, बाबासाहेब आंबेडकर, प्रबोधनकार ठाकरे आणि बाळासाहेब ठाकरे यांचे फोटो लावण्यात आले आहेत. यासोबतच उद्धव ठाकरे आणि राज ठाकरे यांचा बाळासाहेबांसोबतचा एक जुना फोटोही स्क्रीनवर दिसत आहे. हा फोटो साधारण एकोणीस वर्षांपूर्वीचा आहे, जेव्हा ठाकरे कुटुंब एकत्र होते. त्यानंतर शिवसेनेमध्ये दोन गट पडले आणि राज ठाकरे यांनी वेगळा पक्ष स्थापन केला. मनसैनिकांच्या मते, एकोणीस वर्षांचा वनवास संपला आहे. स्टेजवर झेंडूच्या फुलांची आकर्षक सजावट करण्यात आली आहे. डोमच्या ठिकाणी असलेल्या दोन मोठ्या एलईडी स्क्रीनवरही बाळासाहेब ठाकरे, उद्धव ठाकरे आणि राज ठाकरे यांचा एकत्र असलेला तोच फोटो दिसत आहे, जो त्यांच्या एक असण्याचे प्रतीक मानला जातो. हा फोटो बाळासाहेब ठाकरे यांनी दोघांच्या खांद्यावर हात ठेवून काढलेला आहे. मनसैनिक आणि शिवसैनिक यांच्या मनात या फोटोबद्दल विशेष भावना आहेत. अनेक मराठी लोकांना हे दोघे एकत्र यावेत अशी अपेक्षा आहे. या मेळाव्यानंतर हे एकत्र येणार की फक्त एका मुद्द्यापुरते जवळ येणार हे स्पष्ट होईल. मराठी भाषेच्या मुद्द्यावर बोलताना, "आजचा मेळावा होऊ दे, बाराखडी आहेत तर शिका नंतर बारा वाजवून घ्या," असे म्हटले आहे. दिल्लीतील काही पदाधिकाऱ्यांनी "महाराष्ट्रात राज ठाकरे के बापका है क्या?" अशी भाषा वापरल्याबद्दल तीव्र नाराजी व्यक्त केली आहे. महाराष्ट्रात मराठीचाच आवाज चालणार आणि जे बोलले जाईल तेच होणार, असे स्पष्ट करण्यात आले आहे. मराठी भाषेचा जाणीवपूर्वक अपमान करणाऱ्यांवर मुख्यमंत्र्यांनी कारवाई करावी, अन्यथा आम्ही कारवाई करू, अशी मागणी करण्यात आली आहे.