Manoj Jarnage On Dhananjay Munde : धनंजय मुंडेंकडून माझ्या हत्येचा कट; मनोज जरांगे पाटलांचा खळबळजनक दावा

मराठा नेते मनोज जरांगे पाटील (Manoj Jarange Patil) यांनी राष्ट्रवादी काँग्रेसचे नेते आणि माजी मंत्री धनंजय मुंडे (Dhananjay Munde) यांच्यावर गंभीर आरोप केले आहेत. 'माझ्या हत्येच्या कटामागे धनंजय मुंडे हेच प्रमुख सूत्रधार आहेत', असा थेट आरोप जरांगे यांनी केला आहे. माझ्या जिवाचं काही बरंवाईट झाल्यास त्याला धनंजय मुंडे जबाबदार असतील, असंही ते म्हणाले. जरांगे यांनी स्वतःहून नार्को टेस्टसाठी (Narco Test) तयारी दर्शवली असून, दूध का दूध पाणी का पाणी होऊ द्या, असं आव्हान दिलं आहे. गाडीच्या ताफ्यात दुसरी गाडी घालून अपघात घडवण्याचा तसेच जेवणातून विष देण्याचा कट होता, असा दावाही त्यांनी केला. या संपूर्ण प्रकरणाची सीबीआय (CBI) चौकशी करावी आणि मोबाईलचे सीडीआर (CDR) तपासावेत, अशी मागणी जरांगे यांनी गृहमंत्री देवेंद्र फडणवीस (Devendra Fadnavis) यांच्याकडे केली आहे.