PM Modi Historic Win: 'हा विजय भविष्यातील विजेत्यांना प्रेरित करेल', PM Modi कडून टीम इंडियाचं अभिनंदन

भारतीय महिला क्रिकेट संघाने (Indian Women's Cricket Team) दक्षिण आफ्रिकेला (South Africa) ५२ धावांनी हरवून पहिल्यांदाच ICC महिला वनडे विश्वचषक जिंकला आहे. 'संपूर्ण स्पर्धेत संघानं असाधारण टीमवर्क आणि दृढनिश्चय दाखवला', असे पंतप्रधान नरेंद्र मोदी (PM Narendra Modi) यांनी संघाचे अभिनंदन करताना म्हटले. या ऐतिहासिक विजयात अष्टपैलू दीप्ती शर्माने (Deepti Sharma) अर्धशतक आणि पाच विकेट्स घेत महत्त्वपूर्ण कामगिरी केली. सलामीवीर शेफाली वर्माने (Shafali Verma) ८७ धावा केल्या आणि तिला सामनावीर म्हणून घोषित करण्यात आले, तर दीप्ती शर्माला तिच्या संपूर्ण स्पर्धेतील कामगिरीबद्दल मालिकावीर म्हणून गौरवण्यात आले. स्मृती मंधाना (Smriti Mandhana) आणि शेफाली वर्मा यांच्या शतकी सलामी भागीदारीने विजयाचा पाया रचला, असे मत क्रिकेट समीक्षक सुनंदन लेले यांनी व्यक्त केले.