Diwali Special Sweets : Amravati मध्ये सोन्याच्या वर्ख असलेली 21 हजारांची 'गोल्डन फ्लॉवर' मिठाई

दिवाळीच्या मुहूर्तावर अमरावतीच्या रघुवीर स्वीट मार्टने (Raghuvir Sweet Mart) सर्वांचे लक्ष वेधून घेतले आहे. त्यांनी 'गोल्डन फ्लॉवर' नावाची एक खास मिठाई बाजारात आणली असून, त्याची किंमत तब्बल २१,००० रुपये प्रति किलो आहे. 'यावर्षी आम्ही गोल्डन फ्लॉवर म्हणून एक मिठाई बनवलेली आहे, त्याची किंमत यावर्षी आम्ही एकवीस हजार रुपये ठेवली आहे,' अशी माहिती मिठाई विक्रेत्याने दिली. बदाम, पिस्ता आणि शुद्ध केशर यांसारख्या ड्रायफ्रूट्सचा वापर करून ही मिठाई तयार करण्यात आली आहे. यावर शुद्ध चोवीस कॅरेट सोन्याचा वर्ख (24 Carat Gold Leaf) लावण्यात आला आहे. सोन्याचे दर वाढल्यामुळे (Gold Rate Hike) या मिठाईची किंमत वाढल्याचे विक्रेत्यांनी सांगितले. ही महागडी मिठाई ग्राहकांसाठी आकर्षणाचा केंद्रबिंदू ठरत आहे. एबीपी माझाचे प्रतिनिधी प्रणय निर्वाण यांनी अमरावतीमधून (Amravati) याचा आढावा घेतला.