Petrol Diesel Prices: लोकसभेची आचारसंहिता लागण्यापूर्वी पेट्रोल-डिझेल इतक्या रुपयांनी स्वस्त

नवी दिल्ली: आगामी लोकसभा निवडणुकीपूर्वीची आचारसंहिता लागू होण्यास अवघे काही तास शिल्लक असताना मोदी सरकारने एक महत्त्वपूर्ण निर्णय घेतला आहे. केंद्र सरकारकडून गुरुवारी पेट्रोल आणि डिझेलच्या दरात लिटरमागे दोन रुपयांची कपात करण्यात आल्याची घोषणा केली. पेट्रोल (Petrol Price) आणि डिझेल (Diesel Price) दोन रुपयांनी स्वस्त झाल्याने हा सामान्य नागरिक, वाहतूकदार आणि व्यावसायिकांसाठी मोठा दिलासा मानला जात आहे. शुक्रवारी सकाळी सहा वाजल्यापासून पेट्रोल आणि डिझेलचे नवे दर लागू होणार आहेत.