Gadchiroli Wood :Ram Mandir:अयोध्येतील श्रीराम मंदिराच्या मुख्य प्रवेशद्वारासाठी गडचिरोलीचं सागवान

देवभूमी अयोध्यानगरीत श्रीरामाच्या भव्य मंदिराची उभारणी केली जातेय. संपूर्ण देशासाठी ही अभिमानाची गोष्ट आहे. आता अयोध्येतील या ऐतिहासिक मंदिराचं सौंदर्य आणि सामर्थ्य वाढवण्याचं भाग्य महाराष्ट्रालाही लाभणार आहे. कारण, गडचिरोली जिल्ह्यातील बहुमूल्य सागवान लाकडाचा वापर मंदिराच्या उभारणीत होणारेय. राम लल्लाच्या मंदिराच्या मुख्य प्रवेशद्वारासाठी हे लाकूड वापरण्यात येणार असून, त्यामुळे संपूर्ण भारतासह जगभरातून येणाऱ्या श्रीराम भक्तांची पायधूळ आता गडचिरोलीच्या सागवानी लाकडाला लागणारेय. एकूणच, आपल्या गडचिरोलीच्या सागवानाला हे भाग्य लाभणं ही महाराष्ट्रासाठी अभिमानाची गोष्ट असल्याचं मानलं जातंय.