Assembly Election 2019 | भूमीपुत्रांची भूमिका मांडली तर मी खलनायक कसा? : राज ठाकरे | ABP Majha

शेवटच्या प्रचारसभेतही आज राज ठाकरेंनी पुन्हा एकदा मराठी अस्मितेचा मुद्दा लावून धरला. नवी मुंबईतल्या नेरुळमध्ये आज मनसे अध्यक्ष राज ठाकरेंची सभा पार पडली. गुजरातमध्ये भूमिपुत्रांची बाजू मांडणारा अल्पेश ठाकूर भाजपत जातो, मात्र तीच भूमिका मी इथे मांडल्यावर खलनायक कसा, असा सवाल राज ठाकरेंनी उपस्थित केला. शिवाय हीच ती वेळ म्हणणारी शिवसेना 5 वर्षे काय करत होती, असाही सवाल उपस्थित करत राज ठाकरेंनी शिवसेनेवर निशाणा साधला.