कोल्हापूर : अंबाबाई मंदिरात आता सरकारी पुजारी, 50 टक्के महिलांचाही सहभाग

कोल्हापूरच्या अंबाबाईच्या मंदिरात आता सरकारी पुजाऱ्याची नेमणूक होणार आहे. काल यासंदर्भातलं विधेयक मंजूर झालं. त्यामुळे यापुढे मंदिरात राज्यस्तरीय परीक्षा घेऊन सरकारी पुजारी नेमण्याचा मार्ग सुकर झाला आहे. पंढरपूरच्या विठ्ठल मंदिराच्या धर्तीवर कोल्हापूरच्या अंबाबाई मंदिरातही सरकारी पुजारी नेमावे यासाठी जनआंदोलन उभं राहिले होतं. महत्वाचं म्हणजे, पुजाऱ्यांमध्ये 50 टक्के महिला पुजाऱ्यांचाही समावेश असणार आहे. आता हे विधायक विधानपरिषदेत मंजुरीसाठी जाईल. आणि तिथे मंजुरी मिळाल्यानंतर राज्यापालांच्या सहीने त्याचं कायद्यात रुपांतर होईल.