Virat Kohli Video : फ्लाईंग किस, ह्रदयावर हात; किंग कोहलीचा अनोखा स्वॅग, चाहते भारावले

Virat Kohli Interaction With Fans Video : टीम इंडियाच्या विजयी परेडमध्ये विराट कोहलीचं चाहत्यांसोबतचा अंदाज सर्वांचं लक्ष वेधत आहे.

Virat Kohli Interaction With Fans Video Viral

मुंबई : जग जिंकलेल्या भारतीय संघाचं (Team India) मुंबईत दिमाखात आगमान झालं आहे. टीम इंडियाचं मुंबईत ग्रँड वेलकम करण्यात आलं. मुंबई दाखल होताच टीम इंडियाचं जोरदार स्वागत करण्यात आलं. लाखोंच्या संख्येने क्रिकेटचे चाहते टीम इंडियाच्या स्वागतासाठी दाखल झाले होते. मरीन ड्राईव्हपासून ते वानखेडे स्टेडिअमपर्यंत भारतीय संघाची ओपन बसमध्ये विजयी यात्रा काढण्यात आली.

विजयी परेडमध्ये किंग कोहलीचा खास अंदाज

टीम इंडियाच्या विजयी यात्रेसाठी मरीन ड्राईव्हवर लाखोंचा जनसागर उसळलेला पाहायला मिळाला. यावेळी क्रिकेट रसिकांचा उत्साह शिगेला पोहोचला होता. भारतीय क्रिकेट संघाचं स्वागत करण्यासाठी विमानतळापासून ते वानखेडे स्टेडिअमपर्यंत रस्त्याच्या दुतर्फा चााहत्यांची गर्दी पाहायला मिळाली. टीम इंडियाची ओपन डेक बसमधून विजयी परेड काढण्यात आली. यावेळी सर्व खेळाडूंनी चाहत्यांना अभिवादन केलं. 

फ्लाईंग किस, ह्रदयावर हात, विराटचा स्वॅग

विजयी परेडमध्ये विराट कोहलीच्या अंदाजाने चाहत्यांचं लक्ष वेधलं. चाहते किंग कोहलीच्या घोषणा देत होते, यावेळी विराट कोहलीने दोन्ही हातांनी फ्लाईंग किस दिलं, यानंतर ह्रदयावर हात ठेवत किंग कोहलीने अनोखा स्वॅगमध्ये चाहत्यांना अभिवादन केलं. विराट कोहलीचा हा अनोखा अंदाज पाहून चाहते भारावले. याचा व्हिडीओ सध्या सोशल मीडियावर व्हायरल होत आहे.

पाहा व्हिडीओ : विराट कोहलीचा खास अंदाज

VIRAT KOHLI GIVES A FLYING KISS TO THE CROWD. ❤️pic.twitter.com/cCz4QENyVX

— Mufaddal Vohra (@mufaddal_vohra) July 4, 2024

टीम इंडियाने टी20 विश्वचषकावर नाव कोरलं

टीम इंडियाने दक्षिण आफ्रिकेचा सात धावांनी पराभव करत टी20 विश्वचषकावर नाव कोरलं. विराट कोहलीने अंतिम सामन्यात दमदार फलंदाजी केली. सुरुवातीच्या फळीतील फलंदाज बाद होत असताना कोहलीने एक बाजू भक्कमपणे सांभाळली कोहलीने या सामन्यात 76 धावा केल्या, ज्यामुळे भारताला चांगली धावसंख्या गाठता आली. 

महत्त्वाच्या इतर बातम्या :