स्पेशल रिपोर्ट : कर्जबुडव्या कंपन्यांवर बँका मेहेरबान का?

कर्जबाजारी कंपनीकडून कर्जाची सक्तीनं वसुलू करायची सोडून बँकाकडून खुल्या हातानं त्यांची कर्जमाफी होताना दिसत आहे.
कारण नुकत्याच मिळालेल्या माहितीनुसार, तब्बल १० बँकांनी २०१७-१८ या आर्थिक वर्षात १ लाख कोटींचं कर्ज माफ केलंय.
मागील आर्थिक वर्षाच्या अहवालात ही माहिती समोर आली आहे. धक्कादायक बाब म्हणजे २०१६-१७ या आर्थिक वर्षाच्या तुलनेत २०१७-१८ मध्ये या कर्जमाफीत म्हणजेच राईट ऑफ्समध्ये तब्बल ५० टक्क्यांनी वाढ झालीये.
सेंट्रल बँकेच्या एका अहवालानुसार तर २०१४ ते २०१७ सप्टेंबर या राष्ट्रीय बँकांनी तब्बल २ लाख ४२ हजारांची कर्जमाफी देऊ केलीए. त्यामुळे एकीकडे बँकेच्या अनुत्पादक भांडवलात म्हणजेच NPA मध्ये वाढ होत असताना अनेक बड्या कंपन्यांची कर्ज माफ करण्याचं वेळ बँकांवर आलीये.