IND vs PAK, WT20 Live : भारताचा पाकिस्तानवर सात गड्यांनी विजय
India vs Pakistan, Women T20 WC 2023 : महिला टी 20 विश्वचषकात आज भारत आणि पाकिस्तान यांच्यात सामना होणार आहे.
LIVE
Background
India vs Pakistan Women's T20 World Cup : महिला टी 20 विश्वचषकात आज भारत आणि पाकिस्तान (India vs Pakistan) यांच्यात सामना होणार आहे. दहा फेब्रुवारीपासून महिला टी 20 विश्वचषकाची सुरुवात झाली आहे, पण आजपासून भारताच्या विश्वचषक अभियानाला सुरुवात झाली आहे. संध्याकाळी सहा वाजता नाणेफेक होईल, त्यानंतर साडेसहा वाजता सामन्याला सुरुवात होणार आहे. दोन्ही संघ विश्वचषकाची सुरुवात विजयानं करण्याच्या इराद्यानं मैदानात उतरतील. (Women T20 World Cup, IND vs PAK ) दक्षिण आफ्रिकेतील केपटाऊनच्या न्यूलँड्स मैदानावर सामना रंगणार आहे.
भारत-पाक हेड टू हेड
महिला भारतीय टीम आणि पाकिस्तान यांच्यात आतापर्यंत 13 टी 20 आंतरराष्ट्रीय सामने झाले आहेत. यामध्ये भारतीय संघानं 10 सामन्यात विजय नोंदवला आहे. तर पाकिस्तानच्या संघाला तीन विजय मिळवता आलेत. आज होणाऱ्या सामन्यातही भारताचे पारडे जड मानले जातेय.
स्मृती मंधाना दुखापतग्रस्त -
पाकिस्तानविरोधातील हायहोल्टेज सामन्यापूर्वीच टीम इंडियाला मोठा धक्का बसला आहे. आक्रमक स्मृती मंधाना ही दुखापतग्रस्त झाली आहे, त्यामुळे पहिल्या सामन्याला तिला मुकावं लागणार आहे. याचा फटका टीम इंडियाला बसू शकतो. मंधानाने 8 फेब्रुवारीला बांगलादेशविरुद्ध खेळल्या गेलेल्या सराव सामन्यातही भाग घेतला नव्हता. स्मृतीला ही दुखापत ऑस्ट्रेलियाच्या महिला संघाविरुद्धच्या सराव सामन्यात क्षेत्ररक्षणादरम्यान झाली होती.
अव्वल दोन संघ उपांत्य फेरीत -
महिला T20 विश्वचषकामध्ये दोन्ही संघांना एकाच गटात ठेवण्यात आलं आहे. भारत आणि पाकिस्तानचे (IND vs PAK) संघ ब गटात आहेत. या गटात इंग्लंड, आयर्लंड आणि वेस्ट इंडिजचे संघही आहेत. पाच संघांच्या या गटातील टॉप-2 संघ उपांत्य फेरीसाठी पात्र असतील. त्याचप्रमाणे अ गटातही 5 संघ असून त्यापैकी दोन संघांना उपांत्य फेरीचं तिकीट मिळणार आहे.
रविवारी दक्षिण आफ्रिकेतील केपटाऊनच्या न्यूलँड्स मैदानावर 'ग्रुप ब'मधील दोन्ही संघांची लढत होणार आहे. या स्पर्धेतील भारत आणि पाकिस्तान यांच्यातील हा सलामी सामना आहे. भारताची धुरा हरनप्रीत कौरच्या हातात तर पाकिस्तानची धुरा बिस्मा मारूफकडे आहे. महिला T20 विश्वचषकातील शेवटच्या सातव्या स्पर्धेमध्ये भारत उपविजेता होता. अंतिम फेरीत भारताचा ऑस्ट्रेलियाकडून पराभव झाला होता.
T20 विश्वचषकात भारताचे सामने कधी-कधी होणार आहेत?
- 12 फेब्रुवारी: भारत विरुद्ध पाकिस्तान (केपटाऊन, संध्याकाळी 6.30)
- 15 फेब्रुवारी: भारत विरुद्ध वेस्ट इंडिज (केपटाऊन, संध्याकाळी 6.30 वाजता)
- 18 फेब्रुवारी: भारत विरुद्ध इंग्लंड (गेकेबेरा, संध्याकाळी 6.30 वाजता)
- 20 फेब्रुवारी: भारत विरुद्ध आयर्लंड (गेकेबेरा, संध्याकाळी 6.30 वाजता)
ऋचा घोष आणि जेमिमा यांची विजयी भागिदारी
ऋचा घोष आणि जेमिमा यांनी चौथ्या विकेटसाठी 33 चेंडूत 58 धावांची नाबाद भागिदारी केली. या विजयासह भारताने विश्वचषकाची विजयी सुरुवात केली आहे.
जेमिमाचं दमदार अर्थशतक
मोक्याच्या क्षणी जेमिमा हिने अर्थशतकी खेळी करत भारताच्या विजयात सिंहाचा वाटा उचलला. जेमिमानं अर्धशतकी खेळीत सात चौकार लगावले. ऋचा घोष हिने जेमिमाला चांगली साथ दिली.
भारताचा पाकिस्तानवर सात गड्यांनी विजय
विश्वचषकाच्या पहिल्याच सामन्यात भारताने पाकिस्तानचा सात गड्यांनी पराभव केला.
सामना भारताच्या बाजूनं झुकला...
ऋचा घोष आणि जेमिमाच्या फटकेबाजीमुळे सामना भारताच्या बाजूने झुकला आहे. भारताला विजयासाठी 10 चेंडूत 9 धावांची गरज
ऋचा घोषची फटकेबाजी, पाकिस्तानच्या गोलंदाजांनी नांग्या टाकल्या
मोक्याच्या क्षणी ऋचा घोष हिने लागोपाठ तीन चौकार लगावत पाकिस्तानवर दबाव निर्माण केला आहे. भारताला विजयासाठी 12 चेंडूत 14 धावांची गरज
महत्त्वाच्या बातम्या
ट्रेंडिंग न्यूज
