Lovlina Borgohain : लवलिनाच्या आरोपांची त्वरीत दखल, क्रीडा मंत्रालयासह कॉमनवेल्थ फेडरेशन कामाला

Commonwealth Federation : कॉमनवेल्थ गेम्समध्ये माणसिक छळ होत असल्याचा आरोप लवलिना बोर्गोहेनने केल्यानंतर लगेचच यंत्रणा कामाला लागल्याचं आसाम ऑलिम्पिक असोसिएशनचे सरचिटणीस लक्ष्य कोंवर यांनी सांगतिलं आहे.

लवलिना बोर्गोहेन

Lovlina Borgohain in Commonweath games :  बॉक्सिंग खेळात भारताची ऑलिम्पिक पदकविजेती बॉक्सर लवलिना बोर्गोहेनने (Lovlina Borgohain) कॉमनवेल्थ स्पर्धेपूर्वीच सरावादरम्यान तिचा मानसिक छळ होत असल्याचा धक्कादायक खुलासा केला. ज्यानंतर शासनाने लगेचच याची दखल घेत क्रीडा मंत्रालयासह कॉमनवेल्थ फेडरेशनही कामाला लागलं असल्याचं आसाम ऑलिम्पिक असोसिएशनचे सरचिटणीस लक्ष्य कोंवर ( Lakshya Konwar) यांनी सांगतिलं आहे.

लक्ष्य यांनी एएनआयला दिलेल्या माहितीत सांगितले की,'भारतीय बॉक्सिंग फेडरेशनच्या महासचिवांशी माझे बोलणे झाले, त्यातून मला कळाले की संबंधित प्रशिक्षकांचे नाव यादीत कधीच नव्हते. केवळ 33% सपोर्ट स्टाफ आणि प्रशिक्षकांना परवानगी दिली जाऊ शकते. याशिवाय आसामचे मुख्यमंत्री हिमंता बिस्वा सरमा हे देखील या प्रकरणाकडे लक्ष देत आहेत. क्रीडा मंत्रालयासह कॉमनवेल्थ फेडरेशननेही हा मुद्दा उचलला आहे.'' आम्ही भारतीय ऑलिम्पिक असोसिएशनला ताबडतोब लवलिना बोर्गोहेनच्या प्रशिक्षकांची लवकरात लवकर व्यवस्था करण्याचे आवाहन केले आहे,” असे ट्विट देखील क्रीडा मंत्रालयाने केले आहे.

Assam CM Himanta Biswa Sarma is also looking after this matter. Ministry of Sports and Youth Affairs is taking up this issue with the Commonwealth Federation too, so I hope this issue will be sorted out soon: Lakshya Konwar, General Secretary Assam Olympic Association pic.twitter.com/od0xKhoTZa

— ANI (@ANI) July 25, 2022

काय म्हणाली लवलिना?

कॉमनवेल्थ गेम्स (Commonwealth Games 2022) स्पर्धेपूर्वीच लवलिनाने एक मोठा खुलासा करत तिचा मानसिक छळ सुरु असल्याचं सांगितलं आहे. 'मला पदक मिळवून देण्यात ज्या प्रशिक्षकांनी मोलाची मदत केली, त्यांना सतत बदललं जात आहे. कॉमनवेल्थ विलेजमध्ये देखील यायला देत नसून त्यांना सतत त्याठिकाणाहून बदलत असल्याने मला मोठ्या मानसिक त्रासाला सामोरं जावं लागत आहे. लवलिनाने ट्वीटरवर पोस्ट करत ही सर्व माहिती दिली आहे. यावेळी तिने तिची प्रशिक्षक संध्या गुरुंगजी (Sandhya Gurung) हीला द्रोणाचार्य अवार्ड देखील मिळालं आहे. पण असं असतानाही माझ्या दोन्ही प्रशिक्षकांना ट्रेनिंगसाठी हजारदा हात जोडून विनंती केल्यानंतर उशिराने सोडलं जातं. या सर्वाचा माझ्या खेळावरही परिणाम होत आहे. स्पर्धेला 8 दिवस असताना असं सगळं होत असून याशिवाय माझ्या एका प्रशिक्षकाला भारतात पुन्हा पाठवण्यात आलं आहे. या सगळ्यानंतर मी खेळावर कसं फोकस करु हे कळत नाही. पण आशा आहे या साऱ्यानंतरही मी देशासाठी पदक मिळवून देईन.

🙏 pic.twitter.com/2NJ79xmPxH

— Lovlina Borgohain (@LovlinaBorgohai) July 25, 2022

 हे देखील वाचा-