Lovlina Borgohain on Twitter : 'माझा मानसिक छळ सुरु आहे,' ऑलिम्पिक पदक विजेत्या लवलीनाचा मोठा आरोप, म्हणाली...

Commonweath games : यंदा कॉमनवेल्थ गेम्समध्ये भारताकडून बॉक्सिंग खेळात प्रतिनिधित्त्व करणाऱ्या लवलीनाने काही मोठे आरोप यावेळी केले आहेत.

लवलिना बोरगोहेन

Lovlina Borgohain in Commonweath games : यंदा कॉमनवेल्थ गेम्स (Commonwealth Games 2022) खेळात बॉक्सिंग खेळात भारताची ऑलिम्पिक पदकविजेती बॉक्सर लवलिना बोर्गोहेन (Lovlina Borgohain) भारताचं प्रतिनिधित्त्व करेल. पण या स्पर्धेपूर्वीच लवलिनाने एक मोठा खुलासा करत तिचा मानसिक छळ सुरु असल्याचं सांगितलं आहे. 'मला पदक मिळवून देण्यात ज्या प्रशिक्षकांनी मोलाची मदत केली, त्यांना सतत बदललं जात आहे. कॉमनवेल्थ विलेजमध्ये देखील यायला देत नसून त्यांना सतत त्याठिकाणाहून बदलत असल्याने मला मोठ्या मानसिक त्रासाला सामोरं जावं लागत आहे.

लवलिनाने ट्वीटरवर पोस्ट करत ही सर्व माहिती दिली आहे. यावेळी तिने तिची प्रशिक्षक संध्या गुरुंगजी (Sandhya Gurung) हीला द्रोणाचार्य अवार्ड देखील मिळालं आहे. पण असं असतानाही माझ्या दोन्ही प्रशिक्षकांना ट्रेनिंगसाठी हजारदा हात जोडून विनंती केल्यानंतर उशिराने सोडलं जातं. या सर्वाचा माझ्या खेळावरही परिणाम होत आहे. स्पर्धेला 8 दिवस असताना असं सगळं होत असून याशिवाय माझ्या एका प्रशिक्षकाला भारतात पुन्हा पाठवण्यात आलं आहे. या सगळ्यानंतर मी खेळावर कसं फोकस करु हे कळत नाही. पण आशा आहे या साऱ्यानंतरही मी देशासाठी पदक मिळवून देईन.

🙏 pic.twitter.com/2NJ79xmPxH

— Lovlina Borgohain (@LovlinaBorgohai) July 25, 2022

लवलिनाच्या या पोस्टनंतर अनेक प्रतिक्रिया सोशल मीडियावर उमटत असून काँग्रेस नेत्या प्रियांका गांधी यांनीही याबाबत पोस्ट करत योग्य त्या कारवाईची मागणी केली आहे.

.@LovlinaBorgohai is an asset to our nation, she should be encouraged and supported in every way. I hope
the government will look into her complaint and do everything possible to stop the harassment she is facing. https://t.co/eLccnP6PhL

— Priyanka Gandhi Vadra (@priyankagandhi) July 25, 2022

लवलिनासह निखत भारताचं प्रतिनिधित्त्व करणार

यंदा कॉमनवेल्थ गेम्स (Commonwealth Games 2022) इंग्लंडच्या बर्मिंगहममध्ये 28 जुलै ते 8 ऑगस्ट दरम्यान पार पडणार आहेत. या भव्य स्पर्धेसाठी बॉक्सिंग खेळात भारताची ऑलिम्पिक पदकविजेती बॉक्सर लवलिना बोर्गोहेन (Lovlina Borgohain) आणि बॉक्सर निखत जरीन (Nikhat Zareen) यांनी स्थान मिळवलं आहे. त्यामुळे या दोघेही या स्पर्धेत भारताचं नेतृत्त्व करणार असून पदकासाठी प्रयत्नांची शिकस्त करताना दिसतील. भारताची आघाडीची महिला बॉक्सर मेरी कोमने (Mary Kom) पायाला दुखापत झाल्यामुळे शुक्रवारी (10 जून) 48 किलो कॅटेगरीसाठीच्या ट्रायल्समधून माघार घेतली. ज्यानंतर आता लवलिना आणि निखतची निवड या स्पर्धेसाठी झाली आहे. कॉमनवेल्थ स्पर्धेसाठी पात्रता सामन्यांत निखतने 50 किलो वजनी गटात हरयाणाच्या मिनाक्षीला 7-0 ने मात देत विजय मिळवला. तर दुसरीकडे लवलिनाने रेल्वेकडून खेळणाऱ्या पुजाविरुद्ध दमदार विजय मिळवत कॉमनवेल्थ गेम्सचं तिकीट मिळवलं. 

हे देखील वाचा-