KL Rahul : संजू सॅमसनला कौतुकाची थाप ते साई सुदर्शन अन् मैदानातील चिमुरड्याला स्पशेल गिफ्ट; कॅप्टन राहुलच्या दिलदारपणाची चर्चा!

KL Rahul : गेल्या 32 वर्षांमध्ये केवळ विराट कोहली (2018) आणि यंदा केएल राहुलला दक्षिण आफ्रिकेत मालिका जिंकता आली आहे. राहुल टीम इंडियामधील सहृदयी म्हणून ओळखला जातो.

KL Rahul

KL Rahul : टीम इंडियाने करो वा मरोच्या लढतीत दक्षिण आफ्रिकेचा तिसऱ्या एकदिवसीय सामन्यात पराभव करत मालिका 2-1 ने जिंकली. गेल्या 32 वर्षांमध्ये केवळ विराट कोहली (2018) आणि यंदा केएल राहुलला दक्षिण आफ्रिकेत मालिका जिंकता आली आहे. राहुल टीम इंडियामधील सहृदयी म्हणून ओळखला जातो. त्याने आपल्या दातृत्वाची पुन्हा एकदा झलक दाखवून दिली आहे. 

KL Rahul gave his pads to young kids and also gave them autographs.

- Kindness of KL, he's such a gem of a person...!!! pic.twitter.com/CxGhlsIBQ5

— Mufaddal Vohra (@mufaddal_vohra) December 21, 2023

राहुलनं सहा कॅच घेतले, पण सन्मान साई सुदर्शनला दिला 

साई सुदर्शनने दक्षिण आफ्रिकेविरुद्ध खेळल्या गेलेल्या तीन सामन्यांच्या एकदिवसीय मालिकेतून आंतरराष्ट्रीय क्रिकेटमध्ये पदार्पण केले. पहिल्या दोन सामन्यांमध्ये डावखुऱ्या फलंदाजाने अर्धशतके झळकावून लोकांचे लक्ष वेधून घेतले. यानंतर तिसऱ्या सामन्यात बॅटने तो विशेष काही करू शकला नाही, पण मैदानात अप्रतिम झेल घेऊन सर्वांनाच चकित केले. डायव्हिंग करताना त्याने अतिशय अप्रतिम झेल घेतला.

𝗗𝗿𝗲𝘀𝘀𝗶𝗻𝗴 𝗥𝗼𝗼𝗺 𝗕𝗧𝗦 | 𝗜𝗺𝗽𝗮𝗰𝘁 𝗙𝗶𝗲𝗹𝗱𝗲𝗿 𝗼𝗳 𝘁𝗵𝗲 𝗢𝗗𝗜 𝗦𝗲𝗿𝗶𝗲𝘀

A 2⃣-1⃣ ODI series win in South Africa 🏆👌

Any guesses on who won the Impact fielder of the series medal? 🏅😎

WATCH 🎥🔽 #TeamIndia | #SAvINDhttps://t.co/z92KREno0C

— BCCI (@BCCI) December 22, 2023

साई सुदर्शनला त्याच्या शानदार झेलसाठी 'इम्पॅक्ट फील्डर ऑफ द सिरीज' म्हणून निवडण्यात आले. एकदिवसीय मालिकेसाठी भारतीय क्षेत्ररक्षण प्रशिक्षक अजय रात्रा यांनी बीसीसीआयने शेअर केलेल्या व्हिडिओमध्ये सांगितले की, आम्ही या मालिकेत एकूण 12 झेल घेतले, त्यापैकी 6 केएल राहुलचे होते. मात्र, त्यानंतरही सर्वोत्कृष्ट क्षेत्ररक्षक पदक साई सुदर्शनला देण्यात आले.

KL Rahul said, "I'm really happy for Sanju Samson. He's a phenomenal player, did so much in the IPL, but so glad he capitalised today". pic.twitter.com/V5BDLwS2aS

— Mufaddal Vohra (@mufaddal_vohra) December 21, 2023

क्षेत्ररक्षण प्रशिक्षक म्हणाले की, केएल राहुल आणि एसएआय सुदर्शन यांच्यात क्षेत्ररक्षण पदक निश्चित करणे कठीण होते. तेव्हा प्रशिक्षकांनी सांगितले की, राहुलने त्याला सांगितले की माझे झेल फार कठीण नव्हते आणि ते थेट हातात आले, त्यामुळे आपण हा पुरस्कार साई सुदर्शनला द्यावा. यानंतर क्षेत्ररक्षण प्रशिक्षकाने साईला पदक प्रदान केले. साईने 33व्या षटकाच्या दुसऱ्या चेंडूवर आवेश खानच्या गोलंदाजीवर हेनरिक क्लासेनने त्याचा झेल घेतला. सुदर्शनने झेल घेण्यासाठी लांब डाईव्ह घेतला होता.

संजू सॅमसनच्या खेळीचे कौतुक 

संघ अडचणीत असताना संजू सॅमसनने तिसऱ्या सामन्यात शतकी खेळी केल्याने टीम इंडियाला मोठी मजल मारता आली. सामन्याचा मानकरी तोच ठरला. त्याच्या खेळीचे राहुलने कौतुक केले. तो म्हणाला की, त्याच्या खेळीने अत्यानंद झाला. तो अद्वितीय खेळाडू आहे. त्याने आयपीएलमध्ये अनेक खेळी केल्या, पण आजची खेळी पाहून खूप आनंद झाला.

भारतीय संघाने तीन सामन्यांच्या वनडे मालिकेत विजयाने सुरुवात केली. पण दुसऱ्या सामन्यात केएल राहुलच्या नेतृत्वाखालील टीम इंडियाला पराभवाचा सामना करावा लागला. यानंतर भारतीय संघाने तिसरा आणि शेवटचा सामना जिंकून मालिका जिंकली.

इतर महत्वाच्या बातम्या