Video : कॅमेरामननं फॉलो केलं, लक्षात येताच महेंद्रसिंह धोनी भडकला, लगोलग कडक इशारा,पाहा व्हिडीओ
MS Dhoni :चेन्नई सुपर किंग्ज आणि लखनौ सुपर जाएंटस यांच्यातील मॅच काल चेपॉकवर पार पडली. या मॅचमध्ये चेन्नईला लखनौनं पराभूत केलं.मॅचदरम्यानचा एक व्हिडीओ व्हायरल होत आहे.
चेन्नई : आयपीएलमध्ये (IPL 2024) चेन्नई सुपर किंग्जची (Chennai Super Kings) मॅच आणि प्रेक्षकांनी खचाखच भरलेलं चेपॉक हे समीकरण नेहमीचं झालंय. यंदाच्या आयपीएलची सुरुवात चेन्नई सुपर किंग्ज आणि रॉयल चॅलेंजर्स बगंळुरु यांच्यातील मॅचनं झाली. यानंतर चेपॉकवर झालेली प्रत्येक मॅच चेन्नईनं जिंकली आहे. मात्र, काल लखनौ सुपर जाएंटसनं चेन्नई सुपर किंग्जला त्यांच्या होम ग्राऊंडवर पराभूत केलं. यंदाच्या आयपीएलमध्ये स्टार स्पोर्टसनं ज्यावेळी महेंद्रसिंह धोनी (MS Dhoni) मैदानात बॅटिंगसाठी एंट्री करतो त्यावेळी मैदानावरील आवाज मोजला जातो. महेंद्रसिंह धोनीची एक झलक टिपण्यासाठी कॅमेरामन लक्ष ठेवून असलेले असतात. असाच एक प्रयत्न करणाऱ्या कॅमेरामनला धोनीनं दिलेला इशारा चर्चेत आहे.
महेंद्रसिंह धोनी बॅटिंगला येण्यापूर्वी त्याची झलक टिपण्याचं काम कॅमेरामन करत असतात. यंदाच्या आयपीएलमध्ये धोनीची एक झलक पाहण्यासाठी प्रेक्षक फार उत्सुक असतात. कॅमेरामन महेंद्रसिंह धोनीची प्रत्येक मॅचमध्ये ड्रेसिंग रुममधील छबी टिपण्याचा प्रयत्न करत असतात.
चेन्नई सुपर किंग्ज आणि लखनौ सुपर जाएंटस यांच्यातील मॅचमध्ये ऋतुराज गायकवाड आणि शिवम दुबे फलंदाजी करत असताना 17 व्या ओव्हरमध्ये कॅमेरामननं धोनीवर कॅमेरा नेत झुम केला. कॅमेरा आपल्यावर असल्याचं लक्षात येताच धोनीनं त्याला बाटली फेकून मारण्याचा इशारा केला. महेंद्रसिंह धोनीनं दिलेल्या इशाऱ्याचा व्हिडीओ सोशल मीडियावर व्हायरल झाला आहे.
Dhoni throwing bottle 🤣#CSKvsLSG pic.twitter.com/orBVvBixkG
— Ankur #RR (@ankurumm) April 23, 2024
चेन्नई सुपर किंग्जचा पराभव, गुणतालिकेत स्थान घसरलं
चेन्नई सुपर किंग्जनं कालच्या मॅचमध्ये पहिल्यांदा बॅटिंग करताना 4 बाद 210 धावा केल्या होत्या. कॅप्टन ऋतुराज गायकवाड यानं 108 आणि शिवम दुबेनं 66 धावा केल्या. कॅप्टन म्हणून नेतृत्त्व करणारा ऋतुराज गायकवाड हा चेन्नई सुपर किंग्जचा पहिला खेळाडू ठरला आहे. लखनौ सुपर जाएंटसनं सलग दुसऱ्या मॅचमध्ये चेन्नई सुपर किंग्जचा पराभव केला. लखनौ सुपर जाएंटसकडून मार्कस स्टोइनिसनं 124 धावांची खेळी करत विजयावर शिक्कामोर्तब केलं.
चेन्नई सुपर किंग्जनं यंदाच्या आयपीएलमध्ये 8 मॅच खेळल्या आहेत. आठपैकी चार मॅचमध्ये चेन्नईला विजय मिळाला. तर, चेन्नई सुपर किंग्जचा चार मॅचमध्ये पराभव झाल्यानं ते गुणतालिकेत 8 गुणासंह पाचव्या स्थानावर आहेत. चेन्नई सुपर किंग्जला प्लेऑफच्या शर्यतीत कायम राहायचं असल्यास पुढील सहा पैकी किमान चार मॅचमध्ये चांगल्या नेट रनरेटसह विजय मिळवावा लागेल.
संबंधित बातम्या :
महत्त्वाच्या बातम्या
ट्रेंडिंग न्यूज
and tablets
