LSG vs RR, IPL 2022: राजस्थानचा निर्णय योग्य ठरला! लखनौचा 24 धावांनी पराभव; दीपक हुडाचं अर्धशतक व्यर्थ
LSG vs RR, IPL 2022: राजस्थानच्या भेदक गोलंदाजीसमोर लखनौच्या संघाची (Lucknow Super Giants vs Rajasthan Royals) दमछाक झाली.
LSG vs RR, IPL 2022: राजस्थानच्या भेदक गोलंदाजीसमोर लखनौच्या संघाची (Lucknow Super Giants vs Rajasthan Royals) दमछाक झाली. नाणेफेक जिंकून प्रथम फलंदाजीचा निर्णय घेणाऱ्या राजस्थानच्या संघानं लखनौसमोर 179 धावांचं लक्ष्य ठेवलं. त्यानंतर राजस्थानच्या गोलंदाजांनी उत्कृष्ट गोलंदाजी करत लखनौच्या संघाला 154 धावांवर रोखलं. लखनौकडून दीपक हुडानं (Deepak Hooda) सर्वाधिक 59 धावांची खेळी केली. राजस्थानचा वेगवान गोलंदाज ट्रेन्ट बोल्ट (Trent Boult), प्रसिद्ध कृष्णा (Prasidh Krishna) आणि ओबेड मेकॉय (Obed McCoy) यांच्या भेदक माऱ्यासमोर लखनौच्या फलंदाजांनी गुडघे टेकले. तसेच राजस्थानचा नाणेफेक जिंकून प्रथम फलंदाजी करण्याचा निर्णय योग्य ठरला.
राजस्थानच्या संघानं दिलेल्या 179 लक्ष्याचा पाठलाग करताना लखनौच्या संघाची तारांबळ उडाली. लखनौच्या संघानं 29 धावांवर तीन विकेट्स गमावले आहेत. लखनौकडून दीपक हुडानं सर्वाधिक 59 धावांची खेळी केली. दीपक हुडानंतर क्रुणाल पांड्या 23 चेंडूत 25 आणि मार्कस स्टॉयनिसनं 17 चेंडूत 27 धावा करून बाद झाले. त्यानंतर लखनौच्या कोणत्याही फलंदाजाला 10 धावांचा आकडा गाठता आला नाही. लखनौच्या संघानं 20 षटकात 8 विकेट्स गमावून 154 धावा केल्या. राजस्थानकडून ट्रेन्ट बोल्ट, प्रसिद्ध कृष्णा आणि ओबेड मेकॉयनं प्रत्येकी दोन-दोन विकेट्स घेतल्या. तर, युजवेंद्र चहल आणि रवीचंद्रन अश्वीन यांच्या खात्यात प्रत्येकी एक-एक विकेट जमा झाली.
दरम्यान, प्रथम फंलदाजी करण्यासाठी मैदानात आलेल्या राजस्थानच्या संघाला जोस बटलरच्या रुपात पहिला झटका बसला. त्यानंतर यशस्वी जैस्वाल आणि संजू सॅमसन यांनी संघाचा डाव सावरला. दोघांत 64 धावांची भागेदारी झाली. परंतु, नवव्या षटकात जेसन होल्डरच्या गोलंदाजीवर संजू सॅमसन (32 धावा) आऊट झाला. त्यानंतर बाराव्या षटकात यशस्वी जैस्वालही (41 धावा) बाद झाला. हे दोघे आऊट झाल्यानंतर संघाचा डाव सावरण्यासाठी मैदानात आलेल्या देवदत्त पडिक्कल 18 चेंडूत 39 धावा करून माघारी परतला. त्यानंतर राजस्थानच्या कोणत्याही फलंदाजाला 20 धावांचा आकडा गाठता आला नाही. ज्यामुळं राजस्थानच्या संघानं 20 षटकात 6 विकेट्स गमावून 178 धावा केल्या. लखनौकडून रवी बिश्नोईनं सर्वाधिक दोन विकेट्स घेतल्या. तर, आवेश खान, जेसन होल्डर आणि आयुष बदोनी यांनी प्रत्येकी एक-एक विकेट्स मिळाली आहे.
हे देखील वाचा-
महत्त्वाच्या बातम्या
ट्रेंडिंग न्यूज
