Rishabh Pant : लाँग टर्म, लाँग टर्म म्हणत 75 ट्रायल्स झाल्या, 1108 दिवसांनी सलामीला येऊनही रिषभ फ्लॉप, इरफान पठाण नेटकऱ्यांच्या निशाण्यावर कारण...
IPL 2025 : लखनौ सुपर जायंटसनं गुजरात टायटन्सला 6 विकेटनं पराभूत केलं. लखनौच्या विजयानंतरही रिषभ पंतचा फॉर्मचा मुद्दा चर्चेत आहे.
लखनौ : लखनौ सुपर जायंटसनं गुजरात टायटन्सला 6 विकेटनं पराभूत करत गुणतालिकेत तिसऱ्या स्थानावर झेप घेतली. लखनौची कामगिरी जरी चांगली होत असली तरी कॅप्टन रिषभ पंतला अजूनही फलंदाजीमध्ये सूर गवसलेला नाही. गुजरात टायटन्स विरुद्ध रिषभ पंतनं 21 धावा केल्या. रिषभ पंत तब्बल 1108 दिवसानंतर सलामीला फलंदाजीला आला मात्र अपयशी ठरला. इकडे रिषभ पंत अपयशी ठरला अन् नेटकऱ्यांच्या निशाण्यावर माजी क्रिकेटपटू इरफान पठाण आला.
नेमकं काय घडलं?
लखनौ सुपर जायंटसच्या फलंदाजीची सलामीची जबाबदारी यावेळी एडन मारक्रम आणि मिशेल मार्श यांनी सांभाळली आहे. मिशेल मार्श त्याच्या मुलीची प्रकृती बरी नसल्यानं आजची मॅच खेळला नाही. यामुळं रिषभ पंत आणि एडन मारक्रम यांनी लखनौच्या डावाची सुरुवात केली. रिषभ पंत 1108 दिवसांनंतर टी 20 मध्ये फलंदाजीला आला होता. यापूर्वी त्यानं 2022 मध्ये नेपियरमध्ये भारत विरुद्ध न्यूझीलंड या सामन्यात सलामीला फलंदाजी केली होती. त्या मॅचमध्ये देखील तो 11 धावा करु शकला होता. तर, आयपीएलमध्ये रिषभ पंतनं 2016 मध्ये सलामीला फलंदाजी केली होती. रिषभ पंत यंदाच्या आयपीएलमधील सर्वाधिक महागडा खेळाडू आहे. रिषभ पंतला एलएसजीनं 27 कोटी रुपये खर्च करुन संघात घेतलं होतं. त्यानं 6 मॅचमध्ये 40 धावा केल्या आहेत.
रिषभ पंत फ्लॉप होताच इरफान पठाण निशाण्यावर
रिषभ पंत यंदाच्या आयपीएलमध्ये पाचव्यांदा फेल झाल्यानंतर नेटकऱ्यांच्या आणि क्रिकेट चाहत्यांच्या निशाण्यावर आला. रिषभ पंत सलामीला फलंदाजी येणार या निर्णयाचं इरफार पठाणनं स्वागत केलं होतं. रिषभ पंतच्या क्षमता पाहता टी 20 मध्ये सलामीला फलंदाजीला येणं लाँग टर्मसाठी गेम चेंजिंग पऊल असेल, असं इरफाण पठाण म्हणाला होता. मात्र, रिषभ पंत अपयशी ठरल्यानंतर इरफान पठाण टीकेचा धनी बनला. खेळाची चांगली जाण असणाऱ्या व्यक्तीची अशी कमेंट योग्य वाटत नाही. दुसऱ्या नेटकऱ्यानं म्हटलं लाँग टर्म, लाँग टर्म म्हणत 75 ट्रायल्स दिल्या भावानं, तिसरा नेटकरी म्हणाला रिषभ पंत टेस्ट मॅचमध्ये सर्वोत्कृष्ट फलंदाज आहे. मात्र मर्यादित ओव्हरच्या सामन्यात तसं नाही. तर काही लोकांनी रिषभ फक्त मिशल मार्शच्या गैरहजेरीत ही जबाबदारी पार पाडतोय, असं म्हटलं.
Rishabh Pant opening the batting in T20s could be a long-term game-changing move, considering his abilities.
— Irfan Pathan (@IrfanPathan) April 12, 2025
लखनौचा संघ :
निकोलस पूरन, एडन मार्क्रम, रिषभ पंत (कर्णधार, विकेटकीपर), हिम्मत सिंह, डेविड मिलर, अब्दुल समद, शार्दुल ठाकूर, दिग्वेश राठी, आकाश दीप, अवेश खान, रवि बिश्नोई
गुजरातचा संघ :
शुभमन गिल (कर्णधार), साई सुदर्शन, जोस बटलर (विकेटकीपर), वाशिंगटन सुंदर, शेरफेन रदरफोर्ड, शाहरुख खान, राहुल तेवतिया, अरशद खान, राशिद खान, साई किशोर, मोहम्मद सिराज
महत्त्वाच्या बातम्या
