IPL 2024 RCB vs CSK: बंगळुरुला पाठिंबा देण्यासाठी महिलांचा संघ थेट चिन्नास्वामी मैदानावर; फोटो सोशल मीडियावर व्हायरल
IPL 2024 RCB vs CSK: बंगळुरुच्या संघाला पाठिंबा देण्यासाठी आयपीएलचं जेतेपद पटकावणारी आरसीबी महिलांच्या संघातील काही खेळाडू मैदानात उपस्थित आहेत.
IPL 2024 RCB vs CSK: आज रॉयल चॅलेंजर्स बंगळुरु (RCB) आणि चेन्नई सुपर किंग्स (CSK) यांच्यात सामना होणार आहे. या सामन्यात चेन्नईने नाणेफेक जिंकत प्रथम गोलंदाजीचा निर्णय घेतला आहे. मात्र सध्या पावसामुळे सामना थांबला आहे. आरसीबीने 3 षटकांत 21 धावा केल्या आहेत. विराट कोहलीने नेहमीप्रमाणे आक्रमक सुरुवात केली आहे.
चेन्नई आणि आरसीबीच्या सामन्यादरम्यान एक फोटो सध्या सोशल मीडियावर व्हायरल होत आहे. बंगळुरुच्या संघाला पाठिंबा देण्यासाठी आयपीएलचं जेतेपद पटकावणारी आरसीबी महिलांच्या संघातील काही खेळाडू मैदानात उपस्थित आहेत. महिला संघाने केवळ 2 महिन्यांपूर्वी आरसीबीला प्रथमच चॅम्पियन बनवले होते.
आरसीबीच्या महिला संघाची कर्णधार स्मृती मानधना ते श्रेयंका पाटील यांच्यापर्यंत अनेक स्टार खेळाडूंनी पाठिंबा देण्यासाठी बंगळुरू गाठले. महिला प्रीमियर लीगमध्ये दिल्ली कॅपिटल्सकडून खेळणारी भारतीय फलंदाज जेमिमाह रॉड्रिग्स देखील चिन्नास्वामी मैदानावर दिसली. महिला संघाचा फोटो सोशल मीडियावर मोठ्या प्रमाणात व्हायरल होत आहे.
MANDHANA, ASHA, SHREYANKA AT THE CHINNASWAMY STADIUM TO SUPPORT RCB. 💥
— Mufaddal Vohra (@mufaddal_vohra) May 18, 2024
- The champions reunion with Jemimah. pic.twitter.com/JH4maIjCpV
आरसीबी महिला संघ दोन महिन्यांपूर्वी चॅम्पियन झाला होता-
2 महिन्यांपूर्वी रॉयल चॅलेंजर्स बंगळुरूच्या महिला संघाने महिला प्रीमियर लीगमध्ये विजेतेपद पटकावले होते. बंगळुरूच्या महिला संघाने अंतिम फेरीत दिल्ली कॅपिटल्सचा पराभव करून ट्रॉफी जिंकली होती.
बंगळुरूला चेन्नईविरुद्ध विजय आवश्यक-
चेन्नई सुपर किंग्ज विरुद्ध खेळल्या जात असलेल्या साखळी सामन्यात रॉयल चॅलेंजर्स बंगळुरूला प्लेऑफमध्ये स्थान मिळवण्यासाठी विजय आवश्यक आहे. बेंगळुरू 12 गुणांसह सहाव्या तर चेन्नई 14 गुणांसह चौथ्या स्थानावर आहे. बेंगळुरूचा नेट रन रेटही आरसीबीपेक्षा चांगला आहे. अशा परिस्थितीत आरसीबीसाठी केवळ सामन्यात विजय नोंदवणे महत्त्वाचे नाही, तर संघाला असा विजय नोंदवावा लागेल जेणेकरुन धावगतीच्या बाबतीतही चेन्नईला पराभूत करता येईल. उल्लेखनीय आहे की आरसीबीने गेल्या 5 सामन्यांमध्ये सलग विजय नोंदवले आहेत, जे चेन्नईविरुद्धच्या सामन्यात त्यांच्यासाठी फायदेशीर ठरू शकतात.
चेन्नई सुपर किंग्सची प्लेइंग इलेव्हन-
रचिन रवींद्र, रुतुराज गायकवाड (कर्णधार), डॅरिल मिशेल, अजिंक्य रहाणे, रवींद्र जडेजा, एमएस धोनी (विकेटकीपर), मिचेल सँटनर, शार्दुल ठाकूर, तुषार देशपांडे, सिमरजीत सिंग, महेश तिक्षणा
Chennai Super Kings (Playing XI): Rachin Ravindra, Ruturaj Gaikwad(c), Daryl Mitchell, Ajinkya Rahane, Ravindra Jadeja, MS Dhoni(w), Mitchell Santner, Shardul Thakur, Tushar Deshpande, Simarjeet Singh, Maheesh Theekshana
रॉयल चॅलेंजर्स बंगळुरुची प्लेइंग इलेव्हन-
विराट कोहली, फाफ डु प्लेसिस (कॅप्टन), रजत पाटीदार, ग्लेन मॅक्सवेल, कॅमरन ग्रीन, दिनेश कार्तिक (विकेटकीपर), महिपाल लोमरोर, कर्ण शर्मा, यश दयाल, मोहम्मद सिराज, लॉकी फर्ग्युसन
Royal Challengers Bengaluru (Playing XI): Faf du Plessis(c), Virat Kohli, Glenn Maxwell, Rajat Patidar, Cameron Green, Mahipal Lomror, Dinesh Karthik(w), Karn Sharma, Yash Dayal, Lockie Ferguson, Mohammed Siraj
महत्त्वाच्या बातम्या
ट्रेंडिंग न्यूज
