MI vs RCB, IPL 2024 : बुमराहनं पाया रचला, ईशान-सूर्यकुमारनं विजयाचा कळस चढवला, आरसीबीचा पाचवा पराभव
MI vs RCB : जसप्रीत बुमराहनं आरसीबीच्या पाच विकेट घेतल्यानंतर ईशान किशन आणि सूर्यकुमार यादवच्या वादळी खेळीमुळं मुंबईनं सात विकेटनं मॅच जिंकली आहे.
मुंबई : मुंबई इंडियन्सनं (Mumbai Indians) रॉयल चॅलेंजर्स बंगळुरुनं विजयासाठी दिलेलं 197 धावांचं लक्ष्य पार केलं आहे. मुंबई इंडियन्सच्या डावाची आक्रमक सुरुवात सलामीवर ईशान किशन आणि रोहित शर्मानं केली. ईशान किशन आणि रोहित शर्मानं शतकी भागिदारी केली. मुंबईच्या 100 धावा झाल्यानंतर पहिली विकेट गेली. ईशान किशननं 34 बॉलमध्ये 69 धावा करुन मुंबईच्या विजयाचा पाया रचला. यानंतर मैदानात फलंदाजीला आलेल्या सूर्यकुमार यादवनं फटकेबाजी केली. सूर्यकुमार यादवनं वादळी खेळी करत 52 धावा केल्या आणि मुंबईला विजयाजवळ नेऊन पोहोचवलं. दुसरीकडे रोहित शर्मानं देखील 38 धावा केल्या. बॉलिंगमध्ये जसप्रीत बुमराह आणि फलंदाजीत ईशान किशन आणि सूर्यकुमार यादवनं केलेल्या कामगिरीच्या जोरावर मुंबईनं सहज विजय मिळवला. हार्दिक पांड्यानं धोनी स्टाइलनं विजयी षटकार मारला. मुंबईनं 7 विकेटनं मॅच जिंकली.
ईशान किशन आणि सूर्यकुमारची फटकेबाजी गेमचेंजर
मुंबई इंडियन्सनं पहिल्यांदा बॉलिंग करताना आरसीबीला 20 ओव्हरमध्ये 196 धावांमध्ये रोखलं. आरसीबीकडून रजत पाटीदार, फाफ डु प्लेसिस आणि दिनेश कार्तिकनं अर्धशतकं झळकावली. या तिघांच्या कामगिरीच्या जोरावर आरसीबीनं 196 धावांपर्यंत मजल मारली. मुंबईच्या सलामीवीरांनी डावाची सुरुवात आक्रमकपणे केली. ईशान किशननं 34 धावांमध्ये 69 धावांची खेळी केली. तर रोहित शर्मानं 38 धावा केल्या. मुंबईला रोहित शर्मा आणि ईशान किशननं 100 धावांची सलामीची भागिदारी करुन दिली. ईशान किशन बाद झाल्यानंतर फलंदाजीला आलेल्या सूर्यकुमार यादवनं 52 धावांची खेळी केली. सूर्यकुमार यादवनं 17 बॉलमध्ये अर्धशतक केलं. सूर्यकुमार यादवनं चार षटकार आणि पाच चौकार मारले. मुंबईच्या टॉप ऑर्डरनं चांगली खेळी केल्यानं नंतर फलंदाजीला आलेल्या हार्दिक पांड्या आणि तिलक वर्मानं विजयावर नाव सहजपणे कोरलं.
मुंबई इंडियन्सचा दुसरा विजय, आरसीबीचा पाचवा पराभव
फाफ डु प्लेसिसच्या नेतृत्त्वातील आरसीबीचा यंदाच्या आयपीएलमधील पाचवा पराभव झाला. दुसरीकडे मुंबई इंडियन्सनं यंदाच्या आयपीएलमध्ये सलग दुसरा विजय मिळवला. मुंबई इंडियन्सनं होम ग्राऊंडवर दिल्ली कॅपिटल्स नंतर आरसीबीला पराभूत केलं आहे.
आजच्या विजयानंतर मुंबई इंडियन्स गुणतालिकेत सातव्या स्थानावर पोहोचलं आहे. मुंबई इंडियन्सची पुढील मॅच आता ऋतुराज गायकवाडच्या नेतृत्त्वातील चेन्नई सुपर किंग्ज विरुद्ध होणार आहे. या मॅचमध्ये मुंबई इंडियन्सला विजय मिळवता येतो का ते पाहावं लागणार आहे. मुंबईला वानखेडे स्टेडियमवर विजयाची हॅट्रिक करण्याची संधी आहे.
संबंधित बातम्या :
महत्त्वाच्या बातम्या
