आला रे आला जोफ्रा आर्चर आला, मुंबईने प्रॅक्टिसचा व्हिडीओ केला शेअर

Jofra Archer in IPL : रोहित शर्मापासून ते जोफ्रा आर्चरपर्यंत सर्वजण फलंदाजी आणि गोलंदाजीचा सराव करत आहेत.

jofra archer

Source : mumbaiindian

Jofra Archer in IPL : मुंबई इंडियन्सने आयपीएल 16 ची तयारी सुरु केली आहे. प्रत्येक खेळाडू नेटमध्ये घाम गाळताना दिसत आहे. फलंदाज, गोलंदाज प्रॅक्टिस करत आहेत. रोहित शर्मापासून ते जोफ्रा आर्चरपर्यंत सर्वजण फलंदाजी आणि गोलंदाजीचा सराव करत आहेत. जोफ्रा आर्चरनेही नेटमध्ये घाम गाळला... गोलंदाजीत नाही तर फलंदाजी करण्यासाठी.. होय जोफ्रा आर्चरचा फलंदाजी करताना व्हिडीओ मुंबईने पोस्ट केला आहे. यामध्ये जोफ्रा आर्चर फटकेबाजी करताना दिसत आहे. 

दोन एप्रिल रोजी मुंबई इंडियन्स आरसीबीसोबत यंदाच्या आयपीएलमधील आपला पहिला सामना खेळत आहे. त्याआधी सर्व संघाने एकत्र सराव केला. त्याशिवाय विदेशी खेळाडूंचे फोटोशूटही करण्यात आले आहे. सरावादरम्यान जोफ्रा आर्चर याने चौकार आणि षटकार लगावले. मुंबईने सोशल मीडियावर जोफ्राचा सराव करताना व्हिडीओ पोस्ट केला आहे. Presenting to you, 𝐉𝐨𝐟𝐟 𝐭𝐡𝐞 धमाकेदार 𝐛𝐚𝐭𝐭𝐞𝐫 🔥🤩
 असे कॅप्शन देत मुंबईने जोफ्राचा व्हिडीओ पोस्ट केला आहे. जोफ्रा मुंबईच्या जर्सीमध्ये पहिल्यांदाच खेळताना दिसणार आहे. दुखापतीमुळे गेल्या हंगामात जोफ्रा मुंबईच्या जर्सीत खेळताना दिसला नव्हता. पण आता जसप्रीत बुमराहच्या अनुपस्थितीत जोफ्रा मुंबईच्या गोलंदाजीची धुरा सांभाळणार आहे. 

पाहा मुंबई इंडियन्सने शेअर केलेला व्हिडीओ ..... 

Presenting to you, 𝐉𝐨𝐟𝐟 𝐭𝐡𝐞 धमाकेदार 𝐛𝐚𝐭𝐭𝐞𝐫 🔥🤩#OneFamily #MumbaiMeriJaan #MumbaiIndians #TATAIPL #IPL2023 @JofraArcher pic.twitter.com/Y0e6PGXA0r

— Mumbai Indians (@mipaltan) March 30, 2023

दरम्यान, यंदा मुंबईचा संघ जसप्रीत बुमराह आणि कायरन पोलार्ड यांच्याशिवाय मैदानात उतरणार आहे. दुखापतीमुळे बुमराह संघाबाहेर आहे तर कायरन पोलार्ड निवृत्त झाला आहे. पोलार्ड फलंदाजी कोच म्हणून मुंबईसोबत काम करत आहे. 

गतवर्षी मुंबईची खराब कामगिरी - 

आयपीएल 2022 मध्ये मुंबईने निराशाजनक कामगिरी केली होती. गुणतालिकेत मुंबईचा संघ दहाव्या क्रमांकावर होता. गेल्यावर्षी मुंबईला 14 सामन्यात फक्त चार विजय मिळवता आले होते तर दहा सामन्यात पराभवाचा सामना करावा लागला होता. गेल्या हंगामातील कामगिरी विसरुन मुंबईचा संघ यंदा मैदानात उतरणार आहे. 

जोफ्रा आर्चरबद्दल बाऊचर काय म्हणाला ?
जोफ्रा आर्चरचे परत येणे अपेक्षितच होते आणि त्याला पुन्हा खेळताना पाहण्याचा आनंद काही वेगळाच आहे, असे रोहित म्हणाला.  एमआयच्या गोलंदाजीबाबत आणि जोफ्राबद्दल मार्क बाऊचर म्हणाला की,   “माझ्या मते आमच्या गोलंदाजीची टीम खूप रोमांचक काम करेल. मागच्या काही वर्षांत एमआयने ज्या पद्धतीने टीम निवडली आहे ते आपल्याकडे बॅक अप असावे अशा दृष्टीने आहे. आता तरूण खेळाडूंनी चांगला खेळ करण्याची वेळ आली आहे. आम्ही सगळे अनुभवी आहोत आणि संधी येईल तेव्हा ज्युनियर्सना खेळू देण्यासाठी आमच्याकडे भरपूर जागा आहे. आमची गोलंदाजीची टीम सर्वांसाठी सरप्राइज असेल. 

“जोफ्रा एका मोठ्या दुखापतीतून परततो आहे. तो मागील काही काळापासून खूप खेळतो आहे आणि ही चांगली गोष्ट आहे. त्यामुळे सध्या तरी तो चांगल्या स्थितीत आहे असे मला वाटते. तो आता मैदानात उतरून खेळण्यासाठीही सज्ज आहे. ही गोष्ट आमच्यासाठीही चांगली आहे. तो आयपीएलची सुरूवात दणदणीत करेल अशी मला आशा वाटते.

आणखी वाचा :