IPL 2022 : वेग सर्व काही नसते, डोकेही वापर.... आरपीने उमरान मलिकचे कान टोचले
IPL 2022 Marathi News : आयपीएलच्या 15 व्या मोसमात अवघ्या 22 वर्षांच्या या युवा गोलंदाजानं अवघ्या देशाचं लक्ष वेधून घेतलंय.
IPL 2022: Umran malik Delhi Capitals vs Sunrisers Hyderabad IPL 2022 : आयपीएलच्या 15 व्या मोसमात अवघ्या 22 वर्षांच्या या युवा गोलंदाजानं अवघ्या देशाचं लक्ष वेधून घेतलंय. सुरुवातीला उमरान मलिक अनेकांच्या नजरेत भरला तो त्याच्या भन्नाट वेगामुळे. यंदाच्या आयपीएलमध्ये प्रत्येक सामन्यात वेगवान चेंडू टाकणाऱ्या गोलंदाजाला खास पुरस्कार दिला जातो. सनरायझर्स हैदराबादच्या गेल्या आठ सामन्यात सलग आठ वेळा दीडशे किलोमीटर्सपेक्षा जास्त वेगानं गोलंदाजी करून उमरान मलिकनं हा पुरस्कार पटकावलाय. पण आता उमरान मलिकचा हाच वेग हैदराबादसाठी डोकेदुखी ठरत आहे. होय... मागील दोन सामन्यात उमरान मलिकच्या गोलंदाजीवर धावांचा पाऊस पडत आहे. उमरान मलिकची गोलंदाजी फोडून काढली जातेय. उमरान मलिक महागडा ठरल्यानंतर भारताचा माजी वेगवान गोलंदाज आरपी सिंह याने मोठं वक्तव्य केलेय.
दिल्लीविरोधात उमरानची गोलंदाजी महागडी ठरली. उमरान मलिकने चार षटकात 52 धावा खर्च केल्या. म्हणजेच उमरान मलिकने जवळपास प्रत्येक षटकात 13 धावा दिल्या. यावर आरपी सिंह याने उमरान मलिकचे कान टोचले आहेत. वेगचं सर्व काही नसते... गोलंदाजी करताना डोकेही वापरावे लागते.. दिल्लीविरोधातील सामना उमरानसाठी रिअॅलिटी चेक होता... असा टोला आरपीने लगावलाय.
क्रिकबज सोबत संवाद साधताना आरपी म्हणाला की, मागील दोन सामन्यांतील उमरानची कामगिरी पाहता, तो अजूनही त्याच्या कारकिर्दीच्या सुरुवातीच्या टप्प्यात असल्याचे कळते. त्याला दीर्घ कालावधीपर्यंत क्रिकेट खेळायचे असल्याचे वेगासोबत विकेटही घ्याव्या लागतील. वेग म्हणजेच सर्वकाही नाही, वेगवान गोलंदाजी करणे ही चांगली गोष्ट आहे. पण त्याचवेळी तुम्ही तुमच्या मेंदूचा वापर करून गोलंदाजी करावी लागते. कोणत्या फलंदाजाविरुद्ध कुठे गोलंदाजी करायची? आणि हे कौशल्य फक्त अनुभवातून येईल. फक्त 2-3 सामने खेळून चालणार नाही. उमरान योग्य मार्गावर आहे हे खरे आहे. पण, त्याच्यासाठी हे दोन सामने म्हणजे रिअॅलिटी चेक सारखे आहेत.
मागील दोन सामन्यात उमरान मलिकच्या गोंलदाजीवर 100 पेक्षा जास्त धावा निघाल्या आहेत. गुरुवारी झालेल्या सामन्यात दिल्लीने हैदराबादचा 21 धावांनी पराभव केला. या सामन्यात उमरान मलिकला एकही विकेट घेता आली नाही. उमरान मलिक याने आयपीएलमधील सर्वात वेगवान दुसरा चेंडू फेकला. आयपीएलमध्ये सर्वात वेगवान चेंडू टाकणारा तो पहिला भारतीय ठरला. पण उमरानच्या गोलंदाजीवर धावांचा पाऊस पडत आहे. उमरान मलिकने दोन सामन्यात 100 धावा दिल्या आहेत. त्यामुळे हैदराबादसमोर चिंता वाढली आहे.
उमरान मलिकने मागील दोन सामन्यात 100 धावा खर्च केल्या आहेत. दिल्लीविरोधात उमरान मलिकने चार षटकात तब्बल 52 धावा खर्च केल्या. त्याआधी झालेल्या चेन्नईविरोधातील सामन्यात उमरान मलिकने 48 धावा खर्च केल्या होत्या. दोन सामन्यात उमरानने 100 धावा खर्च केल्या, त्याला एकही विकेट घेता आली नाही. वेगवान गोलंदाजीमुळे उमरान मलिक चर्चेत आहे, त्याचे कौतुकही केलं जातेय. पण उमरानची महागडी गोलंदाजीने हैदराबादची चिंता वाढवली आहे.
आयपीएलच्या 15 व्या हंगामात उमरान मलिकने दमदार कामगिरी केली होती. दोन सामन्यात उमरानला लय गवसली नाही. आतापर्यंत उमरान मलिकने दहा सामन्यात 15 विकेट घेतल्या आहेत. यामध्ये एकदा चार आणि एकवेळा पाच विकेट घेतल्यात.
महत्त्वाच्या बातम्या
ट्रेंडिंग न्यूज
